慢遊豬經常係弘大搵好野食，係oppa介紹下，唸住同埋朋友去試下Myth豬蹄！！又有人譯做Miss 豬蹄，早前慢遊豬一位食野一向好有要求既朋友食過都讚好食，所以今次係抱住期望來試的。 星期日晚上約6點幾去到，未行到埋去就已經見到勁多人排緊隊，店內坐位吾算好多，唯有轉場食另一間，擇日再試豬腳～ 第二日下午茶時間再來，完全唔洗等位！其實平時晚上經過都唔算太多人架，同埋有外賣。所以，想去試下既朋友可以揀下午4點半後或者宵夜時間去！ 點擊圖片放大 慢遊豬點左必食原味豬腳（KRW31,000)，佢係一個套餐，除左大大碟豬腳，仲有一大碟蔬菜沙津，同埋辣辣刀削麵！聽講蒜味豬腳都好好食，不過應該係重口味的。 首先價錢已經好抵，份量方面，完全足夠餵飽4個成年人，當然又未去到飽到郁唔到既程度。講下碟豬腳，豬肉好嫩，吾食肥肉既朋友都狂食，嘴刁朋友都話好食！豬腳仲有豐富既骨膠原，對皮膚好好架！個人認為點醬係最好食，但慢遊豬冇深究係咩醬打咩醬。 中間碟沙津係咪好吸引呢？佢的確係新鮮，但可能慢遊豬唔太鐘意比較乾身既沙津，同埋當中有一隻菜有少少苦味，所以唔太岩我食。不過，慢遊豬朋友就好鐘意，特別係放面既杏仁片。只能說就吾晒所有人既口味啦～ 刀削麵湯底真係辣既，但辣辣地同豬腳好夾！個麵係另上，所以大家可以食到咁上下先煮個麵，大約5-10分鐘就食得。 Menu都有相，唔識韓文都冇有怕！餐廳入面有識英文既侍應生，真係有問題都唔驚冇人明你講乜。 Myth豬蹄 미쓰족발 在弘大入口站9號出口最近。 地址：서울특별시 마포구 동교동 164-34 首爾麻浦區東橋洞 164-34 營業時間：16:30 - 凌晨3:00 泥緊慢遊豬又去韓國喇！好期待！就算今次得兩個人都一定會再番泥食XD
