慢遊豬每次去首爾都係住弘大，因為夠多野食，又有得Shopping，夜晚仲可以睇人街頭表演(其實這才是重點)，非常之熱鬧！所以住弘大好方便~~ 入正題，LaiLai House 真係超推薦，慢遊豬已經住左2次了，下次都會繼續住 XD (註明: 開心Share，並無收廣告費的~) 首先比大家睇下房入面既設施先喇，今次慢遊豬係2個人住的。地方幾大架，攤開晒2個人既行李仲有位行。民宿提供暖氣、冷氣，仲有風扇。另外，大家都在意既充電設備，民宿已經為大家準備好轉換器，係拖板來的，都有5-6個位，夠叉晒大家既手機、相機。岩晒慢遊豬呢d懶鬼~~ 門口左手邊有個鏡櫃(影唔到)，放野入去就唔怕整濕喇，唔係間間民宿都有位放野。洗手間除左毛巾同牙刷之外，沖涼洗頭用品同埋牙膏都有齊，出門唔洗帶咁多野係好方便的~~ 點擊圖片放大 民宿提供兩支大水、茶同埋咖啡，不喜歡飲冷水的朋友可以自己煲水，這裡有熱水煲的。另外，每天民宿員工都會來倒垃圾、加水，仲會幫忙收拾被子。 慢遊豬最鐘意就係民宿提供Wifi蛋，又可以慳番租Wifi既錢，接收都唔差，大部分時間都收到的。 對女孩子們有另一個好處就係佢有好多鏡，廁所有一塊，房間電視隔離掛牆又有一塊，枱上又有化妝鏡，仲有一塊全身鏡，即使4個女仔朝早一齊化妝都唔洗爭。 仲有就係有好多衣架提供，可以掛起晒d衫，仲有個晾衫架，民宿4樓有部洗衣機，有埋洗衣粉，洗完衫就可以拎番房晾，薄衫1晚就乾晒，厚少少例如牛仔褲2晚都乾。 仲有一樣都係好貼心，就係每間房都有一個行李秤，出發去機場之前都可以確保自己冇爆行李嘛！呢個真係好重要好重要好重要！ 訂房方面，可以直接click 呢度 或者上官網按 "馬上訂房" 填個人資料，民宿確認空房後會send 訂金的電郵，有分台灣戶口同香港戶口，香港朋友過數去恆生銀行戶口後影番張相或者cap圖send 番比民宿，當收到確認電郵後，代表訂房成功，費用是check-in 當天比韓won的。 民宿平時負責Check in 同打掃既職員都會講國語，而且好友善的，平時Line聯絡打中文都非常方便，回覆都快喔。 聽講最近都好多人book，要訂房尤其住多幾日既就早少少訂啦！ 如果大家有興趣就上去官網預約囉～ 來來好睡 Hongdae LaiLai House 官網: http://www.lailaihouse.com/ Facebook: https://www.facebook.com/hongdaelailaihouse/ Line ID: hongdaelailaihouse
