弘大係每次去首爾都必到既地方,弘大好熱鬧,多野食又有得Shopping,夜晚仲有好多夜店。係一街之隔的延南洞,感覺完全唔同,係比較寧靜的小社區。 今次要分享延南洞的特色咖啡店,等朋友過泥弘大食飯期間冇野做,打算周圍行下,經過左延南洞小公園,係街邊見到有Banner介紹KEY By 36.5呢間Cafe就上左去睇。 KEY By 36.5 係2樓,門口有隻超超超大啤啤,好得意!入左去原來有好多生活小手作賣,如: 陶瓷杯碟、皮革護照套、明信片、記事薄、布袋等等,定期仲有手作班舉行,入到去坐窗口位,有好多得意小裝飾。 點擊圖片放大 店員好溫柔、友善,好熱心介紹佢地手製果茶,可以買泥做手信,但茶唔岩我XD。呢度蛋糕全部手製,比較大件係香蕉朱古力蛋糕(KRW 2,500 其實幾貴),表面冇咩特別,但超好食!鬆軟、香蕉味唔假~~ 得番最後一件,好在有揀佢XD 係度坐左個幾鐘,行左一圈,發現呢度的皮革製品比起香港係勁平!!皮革卡套 KRW 7,000,皮革護照套 KRW 15,000,每款有兩至三個,但每一個係顏色上都唔同,獨一無二,所以直接買左一個走做手信。 KEY By 36.5 地址: 서울특별시 마포구 연남동 259-10 2층 首爾麻浦區延南洞 259-10 2樓 弘大入口站(239)3號出口行大約10分鐘,在7-11隔離 營業時間: 12:00 - 21:00 (逢星期一休息) 題外話~~~ 等左個幾鐘佢地都未到,唸住去行下街,由延南洞行番過弘大沿途見到佢!100YR COFFEE 백년 커피 感覺超吸引,完全心心眼,只可惜岩岩飲完飲唔落,下次要再泥試下。 之後搵左d資料,發現店內都好靚,睇多d相請Click: http://hanmadiblog.tistory.com/11 http://blog.naver.com/PostView.nhn?blogId=jh1011002&logNo=220655114671&categoryNo=0&parentCategoryNo=0&viewDate=&currentPage=1&postListTopCurrentPage=1&from=postView 100YR COFFEE 백년 커피 地址: 서울 마포구 동교로 198-14 首爾東橋洞 198-14