蠔豉妹妹已經13個月大~ 佢既口味我地都開始捉到路~~ 就係呢個時候,我發覺妹妹既口味就咁啱係我陀住佢時既口味轉變~ 唔知其他媽媽有無同感? 肉類 - 我以前係勁鐘意食魚! 蒸魚、煎魚、明爐魚~乜魚我都like! 但陀住嗰時完全唔想食魚... 一見到魚我就無胃口... 宜家蠔豉妹妹一樣,餵佢食魚一定扭頭... 五穀 - 米粉、意粉、通粉我陀住嗰時超鐘意食~ 午餐基本上我都揀米粉~意粉! 以前好鐘意食粥既我,陀住都唔會食粥~ 蠔豉妹妹又係... 最愛米粉、通粉~ 白麵包、pancake我以前完全無興趣~ 但有左之後又好鐘意~西多士更加係我當時最愛! 我係鐘意到午餐會走去茶記話要西多士 :p 宜家妹妹當然未食過西多士~不過白麵包、pancake佢都一樣要! 生果 - 陀住嗰時日日食蕉同青提~ 係日日食!日頭食蕉、晚上食提子~ 妹妹宜家又係一樣!有提子萬事足~ 西瓜、桃呢2樣我以前都好like~ 不過陀住既時候無食過,宜家俾蠔豉妹妹佢都無興趣會推開... 雖然又係無乜科學跟據~不過各媽媽又有無同感呢~ Facebook : 80後的人妻「旅」友 & 蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com