成為新手媽媽後，最擔心既都係BB既健康~ 由於BB仲未識好好表達自己，都係靠佢既飲食、排便記錄去check住佢有無唔舒服！ 所以每日都要mark低蠔豉妹妹食左幾多餐，有幾多次大小便~ 之前我係好hea咁求其用張紙mark低幾點餵奶同幾時換片就算~ 不過耐左就發現咁都唔夠，因為張紙成日都唔知飛左去邊，搞到我又唔記得全日有幾多濕片片... 最後我就係淘寶到淘左本嬰兒成長記錄日記~ 淘寶上既選擇唔算太多，靚既就更加少... 最後我就揀左呢本~都幾cute :p 不過因為滿月之後開始一個星期都有帶蠔豉妹妹出一次街，出左街後無mark低又唔記得左... 所以就開始搵下有無App可以記錄返~ 我一共dl過3個app~最後宜家用既就係呢個"Baby Tracker" / "寶寶生活記錄"！ 其實每個app都大同小異，點解最後揀呢個長用？ 係因為佢既餵食記錄可以mark得好仔細！仲要有計時功能 :) 佢可以mark埋身餵母乳、泵完餵、奶粉定係固體食物~ 而平時餵母乳根本就mark唔到食左幾多~就算有啲app可以mark分鐘，但其實零晨時餵點會自己數住餵左幾耐？ 有時食下又掃下風都唔係太準...呢個有得計時就perfect~ 而且連泵奶都有得記錄埋~真係好好！ 其餘就仲有大小便記錄~ 同埋睡眠記錄~ (有d app既睡眠記錄係要額外付費) 宜家主要我都係用呢個app去記錄蠔豉妹妹每日既情況~ 不過屋企人就慣左mark簿~所以就2邊keep住囉 :) Facebook : 80後的人妻「旅」友 Instagram : https://www.instagram.com/wingring/ 邀稿 : wingring417@gmail.com / wingring@ymail.com
