今年原本同賞櫻無緣~~ 但最後失驚無神就飛左去大阪~ 由於3日前先知道飛，所以好努力做功課！ 日日都去 "陳力行" (Facebook page) 到問功課 琴日(2016.03.20)終於追櫻成功！ 我去左京都淀小路，但好可惜已經過左滿開了... 全部都已經開始出葉~ 不過就見到飄櫻囉:p 之後我就去左京都梅小路公園！ 好彩有去乍，雖然暫時只係有6、7棵盛開~但配埋個大草地、藍天白雲真係一流！ 如果今個星期尾應該可以係櫻花樹下野餐了~ 呀~~~真係好開心:) 拿！唔好以為求其去一到都可以睇到靚靚櫻花！ 由於櫻花既最佳賞花期大約只係3-7日(天氣係最大影響！)，所以可能早幾日仲係滿開，到你去既一日就bye bye... 以下有幾個攻略俾大家參考！(有部分係來自 @陳力行 ，有部分就係我自己搵既~) 1. 網站 - 由好多官方同blogger好好心咁會每日update各區櫻花情況，建議出發前1星期可以望下，睇定邊啲地方剛開花-5成開花既地方都係目標！ 千萬唔好只係揀定一個地方！因為天氣係你最大既敵人，你揀定多幾個，有咩事都唔洗怕！ 日本京都 : http://blog.goo.ne.jp/teinengoseikatukyoto/c/96f58811a1aec9e669f7d633b2d6ef53 日本京都 : http://www.kyoto-np.co.jp/kp/koto/sakura/ 日本全國 : http://www.jr-odekake.net/navi/sakura/ 日本全國 : http://hanami.walkerplus.com/list/ar0700/ss0003/ 日本全國 : https://www.okeihan.net/recommend/sakura/migoro/ 日本全國 : https://www.jnto.go.jp/sakura/chc/index.php?CI=1 台灣全國 : http://flowers.taipei/sakura/ 台灣台北天元宮 : https://www.facebook.com/weberec 2. 天氣 - 天氣真係好重要！上年我去台北，前一日天元宮只係開到5、6成，點知嗰日有成23度，熱到啲花一夜間變成滿開！我當然開心到不得了~~但如果你係安排左遲一個星期去就會大失預算喔！ 記得熱既時候會加速櫻花開花~ 但到左滿開時如果熱、落大雨、大吹就會令到盛開既櫻花keep得唔耐囉~ 日本全國 : http://www.jma.go.jp/jp/week/ 台灣全國 : http://www.cwb.gov.tw/V7/forecast/ 3. Instagram / Facebook - 記得出發前搵下啲tag~ 例如我想去梅小路公園，我就日日都睇下有咩人post~~好多時你見到相都未必真！拿~如果我無話得幾棵開左，我估你一定以為棵棵都開咁靚係咪？放上網就係要呃like嘛，所以多數都只會將最靚即post出黎~所以我會inbox下咁問下真實既情況~大部分人都好好會答你:p 拿，做好功課，我祝大家賞櫻成功！ 有問題的話可以到page到搵我喔 :) Facebook : 80後的人妻「旅」友 Instagram : http://instagram.com/wingring 邀稿 : wingring417@gmail.com / wingring@ymail.com Blog : http://pigwing.theztyle.com
