自從買左水波爐後，我又變回願意煮下野食既人妻了 :p 但因為要返工，所以整既都係簡易食品~~ 前排見到Facebook好多人整呢個蘋果玫瑰花卷，但因為無焗爐所以無左件事~ 琴日見到又有人post就拿拿聲去買野整~ 因為有太多版本，我集思廣益咁整左呢個係懶人版~ 務求唔計焗既時間，15分鐘內完成！ 材料: 富士蘋果 1個 檸檬汁 半個 水 1杯 糖 3+3湯匙 肉桂粉 半茶匙 酥皮 3片 一開始就準備一個煲，加水、3湯匙糖、半個檸檬汁搞均先~ 之後就切蘋果lu~~~ 一開四先，再切片~越薄越好 :) 切好就放落煲到煮到淋lu~ 大約7分鐘就已經ok~可以拎起備用了~ 之後就可以將3湯匙糖加半茶匙肉桂粉混合了~ 而酥片記得要放係室溫30-45分鐘先好用~ 我用既係千層酥皮，比較薄同焗出黎會脆啲~ 一塊正方形大既可以cut開3份~ 再將2份併埋變成更長既長方形！ 上面就可以放已經煮好既蘋果了~~ 記得蘋果只要一半掂到酥皮就ok~ 放好蘋果就平均地加埋糖同肉桂粉~ 之後就接一接酥皮，可以包實啲糖同蘋果就可以捲了~~記得捲到最尾加少少水貼實呀！ Ya！一捲已經似樣啦~ (由於我無細焗盤，所以我用錫紙捲一捲make sure唔會焗焗下成朵花彈開散左~) 最後就預熱焗爐190度，焗35-45分鐘就得~ 如果你係用比較厚既酥皮應該要焗耐少少~ 完成就可以放上Facebook呃like了 :) 由於焗既時候好香，一出爐友人已經急不及待放落口！ 佢呢個嘴饞鬼竟然話我整得4個太少！ 又話應該整多啲做早餐~~我呢個人妻緊係開心啦！ 拿，唔計焗既時間，真係15分鐘ko！ 以後真係無藉口唔整野食~~ :) Facebook : 80後的人妻「旅」友 Instagram : http://instagram.com/wingring 邀稿 : wingring417@gmail.com / wingring@ymail.com Blog : http://pigwing.theztyle.com
