唔知大家鐘唔鐘BBQ？ 以前中學、大學時期我係成日都會約班朋友仔去嫁~ 嗰時未出黎做野，大家都唔太忙~ 所以好多時一見天氣預告話黎緊嗰個星期六、日好天就會約出去！ 但人大左，就越黎越難約... 次次都差唔多要成個月前約定...想約一個月後去BBQ？ 除左人OK外，都要個天都OK先得 :p 5月份收到白石燒烤既邀請~ 知道原來佢地有獨立屋BBQ套餐！ 咁姐係無論睛天、陰天定雨天都可以BBQ la~~ 所以我就約埋啲朋友仔一齊去lu~~ 但一約就已經要約7月份...真係唔係落雨就曬到傻 :p 當日真係好天到傻呀！ 我地12點幾去到馬鞍山站，再轉的士(大約$32)就到了~~ 我地11個人+2隻狗仔係係呢間Bangkok房啦！ 呢個陽光真係同Bangkok有得Flight！ 幾位壯丁一去到就自動自覺set up~~ 其他人就緊係留係冷氣房等啦 :p Set up好就已經有工作人員幫手透爐！ 兩三下手藝就已經搞掂！ 仲要幫我地set埋乳豬添！(乳豬要另外收費~最好訂餐時訂埋~~) 當日真係又好天又熱！ 好彩有冷氣房，如果唔係都幾辛苦~ 你見狗仔要2把風扇吹住就知啦！ 好啦~先講下我地個餐先！ 我地卜既係10人獨立屋BBQ套餐~ 由於係星期日，所以價錢比星期一至四貴少少，要$3488~ 有以下咁多野食！ 最吸引當然係海鮮啦 :) 一開始以為唔夠食既我地，仲諗住再加丸、腸仔、雞翼！ 最後只係加多左乳豬、幾枝飲品、麵包同棉花糖就夠~~ 但其實唔加都得，去到尾我地幾個都係為左唔好晒而迫自己食... 乳豬真係好好味！ 脆卜卜！又有專人教你燒同幫你切埋！ 大家都覺得好味過酒樓食！ 100分！ 之後烏頭、扇貝都好好味！ 雖然係急凍，但無雪味~燒出黎又係一下就沽清！ 其他就係正常既燒烤包囉 :p 宜家白石燒烤有有狗狗游泳池~ 雖然我地無去玩到~但見到其他狗仔好開心 :) 當日仲有Instafestivalhk手作市場！ 我就係咁又唔覺意洗大左了~~ 買左一條頸鏈同一個八達通套~~ 為左俾個驚喜其中一個朋友，我地仲買左蛋糕去！ 邊有人諗到BBQ會有蛋糕？好彩有冷氣房同雪櫃乍 :p 當日我地由下午12點幾一直玩到晚上8點~ 房入面其實有麻雀~仲可以借UNO、波子棋、層層疊~ 但因為傾下計、燒下野、行下市集，都無乜玩到 :p 其實出左黎做野，已經越黎越難約人... 約朋友唔需要借口、唔需要理天氣！ 想就約！work life balance嘛~ 得閒就一大班人出去行下！燒下野食、打下邊爐 :) 再次感謝白石燒烤既邀請~ 我地先可以一大班人癲下~ 以上套餐由白石燒烤提供 套餐外的均為自費 白石燒烤 : http://www.whiteheadbbq.hk/ 邀稿 : wingring417@gmail.com / wingring@ymail.com Instagram : http://instagram.com/wingring Blog : http://pigwing.theztyle.com
