大家係咪同我一樣一年365日都會搽防曬呢? 由於我真係用得太多,所以我都偏向搵一啲平價既防曬! 今次就同大家分享一下,我呢排用緊既SPF 50防曬啦!:) 我全部防曬都係台灣買~因為台灣真係平好多!仲要我去10次,10次康是美同屈臣氏都係特價! (我已經偏心地跟喜愛排名 :p) 1. Biore UV Aqua Rich Watery Essence Water Base (SPF 50 PA+++) 50g (香港 : $99,間唔中75折) (台灣 : NT280,大約$70,但成日特價NT200!) 呢枝防曬我已經推介過無限次:p 我去台灣、日本係必買,因為平好多!我一個月起碼用一枝~~ 佢質地好水! 無論上手定上面都好清爽,絕對唔會痴笠笠! 仲要係出完汗後都唔會太笠! 以我混合性肌膚黎講,上面後太約5小時就開始出面油~ 防曬效果 : ★★★★★ (我去布吉全身都用佢都無黑到~~) 清爽度 : ★★★★★ 價錢 : ★★★★ (香港買就唔算超級平~) 回購度 : ★★★★★ 2. Sunkiller Perfect Water Essence (SPF 50 PA++++) 50g (香港 : $59) (台灣: NT199,大約$50) 佢質地同1. Biore一模一樣! 上手、上面都唔笠,但出完汗後就開始有痴笠笠既感覺,但都唔太嚴重~ 而且同1. Biore一樣,大約5小時後先出油~ 防曬效果 : ★★★★ (去下野餐,暴曬3、4個鐘都ok~) 清爽度 : ★★★★ 價錢 : ★★★★★ (好抵買!) 回購度 : ★★★★ 3. Biore UV Aqua Rich Watery Mousse Water Base (SPF 50 PA++++) 33g (香港 : $99,間唔中75折) (台灣 : NT 325,大約$80,但成日買2送1) 呢個質地比較傑啲,無上面2個咁水~ 由於細枝好多,所以我都只會搽係面~ 搽上面都唔笠,但唔知係咪傑身啲,比較厚,對我黎講大約3、4小時就已經出油~ 防曬效果 : ★★★★★ (去布吉時面係用佢~一樣無黑到~) 清爽度 : ★★★★★ 價錢 : ★★★ (呢枝得33g,所以計返就唔算超平囉~) 回購度 : ★★★★ 4. Biore UV Aqua Rich Watery BB Water Base (SPF 50 PA++++) 33g (香港 : $99,間唔中75折) (台灣 : NT309,大約$77,但成日買2送1) 呢枝同3. Biore又係9成一樣,只係佢算係CC cream,有啲調色功效!所以又係面用only~ 由於佢係CC cream,所以我搽完後都會用透明碎粉定一定。 我諗係上左碎粉,所以keep到5、6小時先出油~ 如果無碎粉,我估同3. Biore一樣keep到3-4小時。 防曬效果 : ★★★★ 清爽度 : ★★★★★ 價錢 : ★★★ 回購度 : ★★★★ 5. Sofina jenne美白UV乳液 (SPF 50 PA+++) 30ml (香港 : $210) (台灣 : NT$450,由於成日有88折,大約$100) 請真,我無試過係香港買過Sofina :p 因為台灣真係平太多! 佢質地同SUNPLAY啲防曬質地一模一樣! 不過Sofina呢隻推開後無乜范白既情況~ 但係我就覺得唔夠清爽,用後一陣係ok既,但係由冷氣地方一出去啲比較熱既地方就開始笠痴痴了... 而且我用上面後,我諗大約1小時就出油...仲要係真係油笠笠... 我諗,對我黎講只可以係秋天既時候用黎搽手... 完全係食之無味,棄之可惜... 防曬效果 : ★★★★ 清爽度 : ★★ 價錢 : ★★★ (記得去台灣買!) 回購度 : (真係唔啱我用...) Biore UV Aqua Rich Watery BB Water Base由Biore提供 其他全為自購 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com