上篇同大家講過復活節假我留左係香港賞櫻、野餐~ 為左野餐，我地準備左好多野食、仲有靚靚野餐墊同假花！ 所以個樣都要執下~~ 明知要同陽光玩遊戲，緊係要揀啲高防曬又控油既底妝同防水防油既眼妝啦！ 今次我揀既係Shu Uemura POREraser CC泡沫底霜！(象牙色) 一來佢有SPF 35 PA+++，二來佢可以控油，三來又可以令毛孔隱形！ 咁就啱晒我同陽光玩遊戲~~ 試上手既感覺都ok~ 搽完後唔會有痴笠笠既感覺~ 上面後，只有少少提亮到肌色~ 由於係一枝底霜都知道遮瑕力一定唔高了~ (最近訓得太少，加上我已經忍唔住開冷氣訓...請忽略我眼下既乾紋同無限既暗瘡粒...) 不過收修毛孔既效果真係唔錯！ 最近毛孔都唔太明顯(因為有乖乖用SkinMiso :p)~搽左POREraser CC泡沫底霜就更加唔顯眼！ 為左自然少少，我無用到BB cream或者粉底，我直接用Revlon同面具5色遮瑕膏！ 之後就用banila co Prime Finish Powder同3CE既胭脂~ 最後就緊係要畫返條眼線、搽眼睫毛！ 我用既眼線筆係2013 @cosme no 1既Love Darling Eyeliner！ 真係好好用！流完汗、捽完眼一樣keep得好好！ 拿~~無呃大家，曬左4個幾鐘後，我係去食飯之前印過一次汗，絕對無補過粉、眼線嫁！ 食埋飯前前後後6、7個鐘，返到屋企，條眼線真係仲係到！ 但胭脂就無晒 :p 好彩底妝好薄，睇落都無乜問題~~ 而底妝控油都做得好好！ 印左一次汗後，過左2、3個鐘都無乜再出油~ 下次同陽光玩遊戲都要揀啱化妝品！ 千其唔好搞到溶晒妝呀 :) 是次Shu Uemura POREraser CC泡沫底霜由Shu Uemura提供 Revlon ColorStay 遮瑕膏由Revlon提供 其他全為自購 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
