上次同大家講過我同友人為左賞櫻,失驚無神飛左台北一轉! "突如其來的賞櫻遊!(台北淡水天元宮)" 但其實香港都有得賞櫻!仲要係櫻花附近有個大草地!咁就實行賞櫻、野餐一次過lu~ 當然大家唔洗諗係好似日本咁,野餐既頭上就係好多好多棵櫻花。 我地去既係將軍澳單車公園,只係得5棵櫻花,唔好睇少呢5棵! (我同友人連續呢2個星期都去左~ :p) 上星期只係得一棵盛開,唔算好多人,但今個星期再去就不得了! 每一棵都有十幾二十人圍住影,仲要人流不斷! 而櫻花樹大約30米附近就係一個大草地lu~ 話到明係野餐,緊係要有野食啦! 我地一行7人,準備左超多野食~~ 可樂雞翼、沙爹魚蛋、泡菜炒年糕、煙三文魚法包、雜果沙律、波蘿腸、水果、薯片~~ 仲有重點!梅子雪碧 :) 食食食,除左食就係玩uno lu~ 就係咁,我地成個下午就係太陽下暴曬! 好彩個妝係烈日下曬左4個幾鐘無乜溶、又無曬黑到! 其實,大自然真係有一種魔力。 一個大草地、有幾棵櫻花,就夠我地開心足一日! 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com