3月，絕對係賞櫻既日子。 明明年年都想睇，但年年都因為價錢而放棄... 本來以為今年都與櫻花無緣既我，竟然任性地係出發前2日換左2張台北機票！ (想坐Business class飛LA既事都因為咁泡湯:p) 由於真係太突然，台北車站既酒店大部分都無房了... 最後只好用$900訂了Just Inn Taipei 我同友人都不推薦呢間酒店...下次再詳述~~ 第一晚去到就當然去夜市同康是美、屈臣氏shopping :) 第二朝一早起身就去淡水了！ 宜家係賞櫻期，所以係淡水捷運站1號出口就有櫻花專線(巴士)搭去天元宮了！ 車程大約20分鐘，一路搭車兩邊已經有幾棵已經開花既吉野櫻！ 去到真係哇一聲！因為好多公公婆婆、一家大細，反而後生仔就無乜 :p 本身最佳賞花期應該係3月尾的，點知前一日(14號)突然回暖去到24、25度！ 啲吉野櫻由原本只係開左30-40%變左開左70%！ 不過因為今年開得唔平均，睇唔到全天元宮被櫻花包圍既情況！ 不過我已經好滿足！ 每棵都開得好燦爛！ 被櫻花包圍既感覺實在太良好啦！ 全部相都係用iPhone 6影的，效果好靚！ 如果有時間既話，我想每日都黎，望住啲櫻花一日比一日開得燦爛！ 可以的話，我想每年都去睇一次 :) 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
