唔知大家有無留意@cosme呢？ 每年日本都會有一個@cosme The Best Cosmetics Award 對我黎講，呢個絕對係一個購物指南 :) 由於呢排去日本比較密，所以都只係買左少少，有啲係回購、有啲就係第一次買既！ 拿！我認嫁，我係@cosme no.1 logo控...只要有嗰張貼子話係no. 1我就忍唔住想買 :p Love Darling Eyeliner 應該SaSa都有得買，但宜家円平嘛！ 包裝話可以keep到24小時，就要等我試上眼先知啦！ Real Lasting Eyeliner 呢枝係Logon都有見到，但係日本買太約平$40喔！ 拿！枝枝都話keep到24小時，千其唔好令我呢對油眼失望！ Suisai 洗顏粉 已經回購過3、4次了！香港有好多水貨舖都有！ 用黎洗面真係好乾淨，日日用黑頭都無咁易生，而且洗完唔算太乾！ Sofymo 眼唇卸妝 呢個SaSa同759都有得買了！ 我已經回購過10枝以上！ 佢絕對唔嗱眼！落MJ既睫毛液都落得好乾淨！ 由於好平，大大枝只係$35-$50，所以我有時懶得濟用黎全面落妝！ Minion amino moist mask 呢款保濕mask真係第一次留意！ 香港暫時唔覺有得買，計返一塊都要$35！ 不過日本同事極力推薦！話超保濕！用後keep到3、4日！ 可惜返到香港已經好潮濕，所以我仲未用！ Minion amino moist 保濕液 拿！又係同一個日本同事叫我買！ 返到香港我有用，零香味！質地都算厚身，要按一陣先吸收得晒！ 用後有少少痴笠笠既感覺，不過鎖水力真係得！ 全晚係開住冷氣既情況下都無乜出油！(之前我又去左轉布吉 :p) Arouge moisture mist lotion II 呢枝係2014年上半年度@cosme化妝水no.1 對於化妝水，我成日都想試新！所以就買左了！ 個人覺得同curel化妝水一樣，用後你唔覺得有乜特別，但你留意下，會覺得少左出暗瘡！ 面脥都無再特別乾、特別紅！ Biore UV Aqua Rich Watery Essence Water Base 周圍有得買，日本、台灣擇$45-55，香港就$70-85。 拿，我呢個blog寫左咁耐，重覆又重覆咁講！ 我回購左起碼100枝！面、手！我一年365日，有超過300日都搽！ 唔笠！真係晒唔黑！又平！ @cosme都算係一個好有公信力既網站！應該唔會真係買到啲伏返黎既！ 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
