唔知大家係咪同我一樣係油眼人士… 我唔只眼油…仲成日流眼水… 我大大話話試過廿幾枝眼線液、眼線膠、眼線膠筆… (Za, Maybelline, Miss Hana, Kiss Me, Shu Uemura, Sephora同其他日本牌子) 我平時畫左眼線係絕對唔會卒眼！頂多都係用紙巾印下啲油~ 但好多隻都會甩…仲要甩到眼肚烏糟晒！！！ 不過~我已經搵到兩隻唔多溶既了(拿！唔係完全唔溶嫁)：p 就係Za Liquid Eyeliner同Maybelline Hypersharp Eyeliner~ 兩枝都係眼線液~筆咀好幼~ (Maybelline已經用左幾個月了~之前既妝文都用開。而Za就係12月頭買的~) 畫完後大約等15秒，之後用手指卒其實都唔甩~ 沖水後都無事！ 不過沖水後再用力卒都係出事！ 化到黑晒… 油的話~ 用紙巾印都keep到~ 但用力卒又係死… 講多無謂！上眼先知！ 我今次左、右眼各用1款~ 8個鐘內，我用過一次紙巾印下對眼~ 兩款其實都係眼頭消失了…但無整到眼肚烏糟都算合格！ 眼尾都無化到~ 兩邊我都覺得keep到9成！ 對我呢個油眼人黎講已經好勁！ 2枝都真係唔錯！ 不過Maybelline比Za平同多啲銷售點~所以Maybelline贏了：) 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
