上一次同大家講過，我又返到SK II神仙水既懷抱了：p (了解自己多啲！先可以keep住年輕既肌齢！SK II Magic Ring) 今次有幸再次用到Facial Treatment Essence~ 我諗，應該有好多人都見證過神仙水既奇蹟！ Facial Treatment Essence含有經典美肌成份-PITERA！ 可以針對肌膚的新陳代謝周期，持續復復陽光造成既肌膚損傷~令肌膚可以持續晶瑩剔透！ (所以我係Big Day前都自購左SK II既神仙水~~為左成為靚靚新娘子，呢啲錢真係要洗：p) 呢到HKD 1,160/215ml 早、晚用的話，大幾用到3個月~ 每日大概HKD 10 第一次用神仙水既人，應該都會覺得陣味怪怪地，絕對唔好聞：p 由於佢質地好水，所以好快吸收~好快就會無左陣味~ 不過，如果你見到佢既奇蹟，你絕對忍到嗰幾分鐘既味~ 之前用左14日既情況~ (大約3個月前狂爆瘡=3=) 左邊眼角下方既色斑真係變得無咁明顯！ 右邊，一開始用時，我既皮膚狀況唔係太穩定… 有幾粒瘡仔…而且皮膚成日都紅卜卜咁… 但用左大約一個星期，啲紅已經退左好多，而且無新瘡仔出世^ω^ 俾個小貼士大家！ 如果想底妝好貼服，減少浮粉既情況出現~ 可以用化妝棉+神仙水，大約敷3分鐘就ok了~ (我自己會重點敷眼下既地方~) 上妝後就好似自己既肌膚咁：p 最後，我想同大家分享下坊間既傳聞~ 傳聞話用完SK II神仙水後，唔再用的話就會生好多暗瘡。 我自己斷斷續續用過3枝神仙水(宜家呢枝係第4枝)，我覺得成件事係咁~ 未用前，我大約1-2星期就出1、2粒暗瘡；3-4日就會有啲粉刺仔；黑頭就長期一堆 用緊時，我大概變成到period到或者捱通宵先出1、2粒暗瘡；1-2星期都有啲粉刺仔；黑頭仍然有 當你唔用，其實又會變返未用之前既情況~ 我都好肯定話俾大家知SK II神仙水可以令肌膚做到水油平衡~ 所以點解會有傳聞話會生好多暗瘡…大概就係一無用神仙水，啲暗瘡生長速度變返正常，感覺上就會變成一唔用就生暗瘡囉~ 希望你都可以一齊見證SK II Facial Treatment Essence帶俾我地既奇蹟！ 是次產品由SK II提供 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
