友人成日都好晏放工…好多時返到屋企已經10點幾~ 雖然我其實唔想煮…但見佢咁辛苦都會係咁二煮下：p 以下就係呢排友人既最愛！ 日式麻醬豆腐沙律+煎餃子+烏冬 由於我怕友人食得菜太少，所以我會係麻醬豆腐下面墊一埋沙律菜：) 最近有朋友仔介紹我買呢隻由澳洲塔斯萬尼亞運過黎既菜包！ 只要上網訂，佢就會應你既要求空運當地新鮮既蔬菜黎~ 薯仔、蕃茄、沙律菜、菇類呢啲都有~ 價錢就同係city super買有機蔬菜差唔多，但可以直接係屋企收都幾好~不竟我附近無city super嘛… 我平時上網揀完款後就直接叫朋友仔訂~ 網址: http://www.tasmaniafresh.com/ (朋友仔e-mail: antzprojectsco@gmail.com) 我收既時候發現係凍既！！原來順豐有冷凍配送…我呢個落後既人宜家先知… 拿~只要有麻醬、蒸煮嫩豆腐、沙律菜就ok了！！！ 之後就到餃子！呢款餃子絕對好食過好多日本餐廳！ 呢款博多餃子係吉之島、一田、Sogo有售！($30-35/包) 我煎過超過15款唔同牌子既餃子俾友人食…自從食過呢隻後，佢非食呢隻不可！ 友人話好食過出面街既多多聲：) 我次次見到有都起碼買6包！身邊既朋友仔都迷上呢款了！！！ 煮法好簡單： 1) 中火落油後直接放未解凍既餃子 2) 加10湯匙水後蓋上蓋，繼續中火煮4分鐘 3) 開蓋後，改大火煎到餃子底燶燶地就完成！ 如果你唔鐘意燶燶地，就唔洗改大火，煎到金黃就可以上碟 至於烏冬，煲沸水後加豬骨味濃湯寶同烏冬，煲3-5分鐘就完成！ 10分鐘，就會有好似日式餐廳既餃子烏冬餐了！ 如果有其他好味餃子推介，記得話我知：) 邀稿: wingring417@gmail.com / wingring@ymail.com Instagram:http://instagram.com/wingring Blog:http://pigwing.theztyle.com
