登登登登~~ 11月1號係德甲大戰！拜仁慕尼黑VS多蒙特！ 我同友人作為德國國家隊既粉絲，係去唔成巴西睇世界盃後就一直等呢日！！ 呢個德法自由行都係因為呢場波先去得成！ (因為係拜仁入面，有差唔多一半都係德國國家隊成員，我係德國隊既忠粉：p) 係大戰前一日，我地已經去過一次Allianz Arena (安聯球場)~ 因為係無比賽既日子，14:15同16:15都有英語Tour~可以入球員休息室參觀~ 我地參觀完就緊係一人一件波衫！為第二日既大戰做足準備！ 話咁快就到比賽日！我地急不及待咁著上新波衫！當然仲要記得帶定有錢都未必買到既飛！！ 去到真係好有氣氛！我地早左2個幾鐘到，去到已經好多人！ 好似去左嘉年華會咁！ 我就緊係去同對家多蒙特既粉絲影下相、吹下水：p 仲有好多野可以周圍影下~ 買好野食就坐定定等開波lu~ Allianz Arena (安聯球場)係拜仁既主場~所有野都好"紅"：) 大家一定要著返件波衫！全程投入！咁先對得住自己花左一大筆，山長水遠咁黎睇！ 20:00正式開波！可惜小豬傷左無落場…只好俾個借口自己，下次再睇了：p 好啦~等我話俾大家知點訂門票！ 如果係大賽既門票，大家可以去旅行社代訂！ (但前提係你要幫佢買埋機票、酒店…) 所以大家可以好似我咁上worldticketshop買！ (除左worldticketshop外，仲可以睇下livefootballtickets) 但呢兩個網都唔係買正價門票…佢地既門票比原價貴30%-1000%不等：p 越大既賽事就越貴，大家衡量下值唔值了~ 入到網站，只要揀返你要既運動門票就ok~ 之後就可以揀你心愛既球隊了！英超、德甲、意甲，大部份門票都可以係到搵到！ 跟住就可以揀賽事啦！ 睇清楚日期同時間呀~係跟當地既時間，啲睇開波既男人一定識：p 最後就揀位了！ 佢地只可以揀area，因為賣波飛既人都要收到門票先知坐邊… Shortside = 龍門後 Longside = 中場附近 Away Fans = 客隊 揀好area又啱價錢就可以按buy it! 可以用visa，master，PayPal的~ 完成後就會收到email了~ (記得要填當地既酒店地址，因為賣家多數唔肯寄黎香港。) 佢地會係比賽前5日先寄出門票~ 我地一去到慕尼黑就直奔酒店！！去到就見到門票已經安全送扺：) 但係…因為大多人訂門票，我同另一個住客既門票換轉了T^T… 呢張Kategorie 1既唔係我地…呢張既位係Away Fans既位黎嫁………… 好彩最後有驚無險，酒店知道換轉左，仲係咁同我地say sorry：p 我買既係Kategorie 2，本身只係值60歐…最後連運費，一張要350歐…足足差唔多貴左6倍！！ 值唔值就見人見智了… 我係機票、酒店、巴黎迪士尼飛到慳左HKD5000…呢到一炮過貴返… 不過我同友人睇完覺得好值得！氣氛、回憶，呢啲無得用錢買！ 希望過多幾年可以又睇多次啦：) 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
