之前介紹過啲專櫃品牌既美白產品，今次就介紹下開架品牌Za啦！ 今次試既係Za True White Ex系列！ 一共有4款產品： Za True White Ex Cleansing Foam (HKD85/100g) Za True White Ex Essence Lotion (HKD125/150ml) Za True White Ex Day Cream SPF20 PA++ (HID135/40g) Za True White Ex Night Cream (HID135/40g) 先講新煥真皙美白潔面膏~ 入面有維他命C微粒，可以將毛孔既污垢徹底清除~ 佢都幾易起泡，就咁用手打圈都起到咁多泡~ 由於官方話可以潔面、落淡妝2合1~ 所以就黎個小測試！ 眉筆、眼線膠筆、眼線筆、粉底都可以落得晒！ 佢既清潔力其實好強！我係混合性皮膚，用後面脥有少少緊… 我諗乾性皮膚既女仔就唔太適合了~ 宜家我俾左友人用~因為佢係油性肌~佢話唔覺用完會緊：p 洗完面就要搽新煥真皙美白精華化妝露~ 佢一枝包含左化妝水、美白精華同乳液功效！ 入面仲有高效美白成分：專利4MSK、雙重維他命C同珍珠萃取！ 而保濕成分就有天然溫泉水、維他命E同百合萃取！ 佢既質地一啲都唔稀，係比較"傑"身的~ 但一樣吸收得好快！ 保濕得黎唔笠~ 最後就要搽上新煥真皙美白日霜(早)/晚霜(晚) 先講左新煥真皙美白晚霜先~ 佢都一樣有4MSK高效美白成分、天然溫泉水等既成份！ 佢個質地係gel狀~ 好易推開~ 我覺得佢係鎖水既能力比補濕既成效好~ 因為搽完之後你會覺得好似有一層水膜咁，不過佢唔似sleeping mask咁笠、咁痴頭髮~ 晚上係冷氣房內用完新煥真皙美白精華化妝露+晚霜，到朝早都keep到保濕~ 早上就要用新煥真皙美白日霜~ 由於只有SPF20 PA++，我建議大家係室外用囉~ 佢都一樣有美白、保濕成份~ (返office、返學既日子先得~) 佢質地比較厚身！ 好彩推開後唔會好令身~ 搽完後大約5分鐘就會吸收得晒~ 是次產品由Za提供 有興趣既朋友，可以到以下指定屈臣氏同莎莎購買！ 屈臣氏 : 尖沙咀金馬倫道 屯門市廣場 莎莎 : 沙田新城市廣場 旺角雅蘭商場 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
