兩日一夜既大阪之旅話咁快就完成了：p 雖然時間唔多，但我地都食左~買左唔少野~ 平時我好少睇旅遊書，除非係第一次去嗰個地方~ 因為我試過好多次啲旅遊書話好好味，非試不可的都好一般… 所以我寧願自己亂咁試~就算唔好食都係自己揀嘛~ 但講真，我亂入過大阪N間餐廳，都無一間係難食~頂多係唔抵食！ 今次要介紹既係2間係梅田既餐廳~~2間我都覺得又抵又好味~ 第一間既喺係Yodobashi Umeda！ 你地唔好以為Yodobashi係宅男天堂！其實對女仔黎講都好好行~~ 1ｰ4/F都係賣電器，電子產品(電子美容)，而5-7/F就賣衫、飾物為主。 可以既話就男、女分開行：p 而我要介紹既就係8/F - 天神ホルモン 呢間係廚師即場整的鐵板燒~ 真係好好味！而且有中文餐牌，方便大家~ 友人叫既係牛柳+牛舌(set)~ 2款都燒得好香~牛柳雖然全熟，個完全唔韌！牛舌就無蘇味~ 我叫既係肥牛粒+燒牛肉(set)~啲肥牛粒根本就係全肥膏！！ 一開始我完全唔想放入口…點知！！！入口即溶，完全唔蘇！！好好味>ω< 燒牛肉就無特別~好味過吉野家：p 最後，我地仲加左鐵板燒海鮮~ 都唔錯~~鮮魷唔韌，好易咬~ 醬汁係地道既偏甜醬油~~啱我口味：p 佢地啲set要800円-1,500円~ 大約姐係HKD 60 - 120~其實絕對係物超所值！！！！ 我仲回味緊入口即用既肥牛粒>ω< 電話番号 06-6292-4128 営業時間 11:00～23:00（LO 22:30） 席数 22席 ・利用カード／JCB、VISA、MASTER、AMEX、銀聯、iD、Pitapa、Edy 我已經私下推介左俾幾個朋友… 希望下次去唔會變成心齋橋咁四周都係香港既朋友：p 食完飯可以行過對面JR大阪站 係JR大阪站同Grand Front Osaka中間有一片空地可以坐低傾下心事~~ 嗰到仲有Kirin 麒麟一番搾Garden，有得買啤酒飲~ 我同友人都係第一次飲泡泡麒麟啤~(Kirin 麒麟一番搾 Frozen Beer) 啲泡仲苦味過啲啤酒…一口一…由於今次友人無生日蛋糕~所以加個蠟燭牌：) Happy birthday~ 另一間要介紹既等我開個新post la~~等我呀：p 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com
