🐷📌 #豬西食梅窩.入到梅窩，除咗去沙灘同洗衣公司打卡，呢間「麥生記冰室」真係一定要去嘅～平時見人飲茶走、食蛋撻，今次小編就試咗佢哋最出名嘅「港女 3 層架下午茶」，仲加碼叫咗幾款招牌嘢食，賣相真係幾震撼，打卡一流！.🐷 港女 3 層架下午茶 (2:30 PM 起供應)呢個 3 層架真係2-3個人分都夠飽：底層：經典公司三文治 🥪 份量好厚，麵包烘得香脆，係好地道嘅冰室風味😆中層：香脆炸物拼盤 🍟 有齊薯條、炸蝦、春卷同咖喱角，熱辣辣炸起，超級酥脆🤣頂層：懷舊甜品時光 🍮 最吸睛嘅 6 個彩色啫喱同布甸，真係童年回憶返晒嚟，食落甜滋滋好療癒。 最搞笑係啫喱竟然係鹹檸七嘅味道！！.🐷 魚餅炒烏冬除咗下午茶，呢個炒烏冬都幾驚喜！ 烏冬炒得好有鑊氣，唔會太乾😆 魚餅切成條狀，咬落去好彈牙，加埋啲配菜一齊炒，啖啖都好豐富，係好啱大口大口食嘅 comfort food😭😭.🐷 邪惡奶油豬一定要識吓佢哋嘅奶油豬 因為好少見到咁足料…烘到金黃色嘅豬仔包外脆內軟，上面淋咗滿滿嘅煉奶同牛油，牛油融化咗滲入個包度，每一口都係鹹甜交織嘅罪惡感，但真係好滿足😭😭.喺呢間充滿歷史感嘅冰室，坐低慢慢嘆😹😹咁浮誇嘅下午茶，再加多個炒烏冬同奶油豬，真係慢活到一個點。如果行山行到攰，或者入嚟度假想搵個地方坐低唞吓、食啲嘢補充吓體力！ 呢度絕對係首選🤣🤣.麥生記冰室 Mak Sang Kee Bing Sutt📍 梅窩湧口街 38 號地舖.#梅窩美食 #麥生記 #冰室 #下午茶 #港女下午茶 #三層架 #大嶼山美食 #梅窩好去處 #香港打卡 #hkfoodie #foodiehk #懷舊冰室 #週末好去處 #公司三文治 #魚餅炒烏冬 #奶油豬 #地道美食
