哩排逢星期日無必要都唔會周圍去,因為要煲一套台劇----> "醉後決定愛上你 ",但估唔到個套戲名既竟會係我身上發生~ 上星期6晚同幾個罪孽深重既朋友去左大自然素食,食飯... (本身有一個朋友(朋友C)係素食者,以前識佢還可以食碟邊菜,近哩幾年已經唔食得,並且食完會嘔~) 初時佢地大家都係交代下近況,互寸下...點知朋友A就話 : "我地好似有D野未解決喎!!! " 我 : "頂~有咩未解決丫~公司就有大把野未解決 " 朋友A : "唔係講你公司盤難數呀~係上次搭火車撞見陣時咪提過囉~ 朋友P個番說話MA! " 我 : "咪痴線LA~"...講到哩到,其餘朋友當然係聽到一頭霧水唔知發生乜事LA... 哩個時候朋友A同佢女友A小姐就作詳細解釋... 想當年(2009年9月 (哩個日子係朋友J&朋友C講返既~)朋友J結婚,做朋友既我地當然出席兼坐埋一圍(我同朋友P亦係坐對家位)~不過當晚未正式開席,朋友P已經比佢地班朋友 (即係朋友A)係到同佢杯杯清...(所以散席個陣,朋友P都好似自己一個人吹左4-5支紅酒)...散席之後,大部人都閃左(包括我),個時朋友P就當住朋友A &A小姐講話 " 佢可唔可以做我女朋友呀!? 聽到哩到朋友J即問: "點解我聽唔到既!? " 朋友A : "你個陣送緊客MA!如果你都聽到即係無做野LA!咁即係個晚你返到去就係死期LA! " 朋友C : "咁新婚當日係死忌都幾攪笑喎! " 之後朋友A又繼續話: "咁多年黎佢都對你念念不忘呀!!! " 我真係除非送條街回贈返佢之外真係再諗唔到可以點應佢...不過朋友J亦最抵死答: "你又係佢個個TYPE喎~嬌小玲瓏~ " 我真係只可以講一個人飲醉左講既野都好信既,你地有冇常識嫁~點知佢地班賤人話" 酒後吐真言MA!"... 真係頂佢地唔順...不過我對朋友P其實真係無乜印象~只係1~2次咁大把...仲要計都無乜傾過,最多個晚咪同佢對飲~(當然我係橙汁,佢係紅酒!)&當晚閃人,佢問住邊,我又多口問佢住邊,佢話沙田...我話一齊走丫~個刻佢又真係好似拿拿淋諗住拎袋走,係朋友A做手勢叫我好走,唔好再攪佢... 所以佢地班人講野都無乜邊句真嫁LA!所以當故仔聽完就算LU~
