今次食都未食就要係個到到讚揚一下 - "貴花甜" ...間野有幾好SERVICE~ 以前曾經食完一次覺得佢地D甜品款式幾多,幾好味,最緊要價錢亦唔算太貴,所以上星期五同左班鐵腳食完飯過黎返黎試下囉~ 可能星期五既關係,門口其實都有幾班人係到等位,(不過大部份都係6-8個~),其實見咁多人都有諗住轉地方,但山長水遠係朗豪坊行過黎,無理由唔食嫁MA! 去到拎位時,門口個哥哥仔就話"姐姐,幾多位..." 心諗,乜我有咁老咩!?) 之後話4位,咁好正常係到吹水位...但個哥哥仔過一陣就拎左個餐牌比我地話可以點左先,入到去就有得食...我地拎左當然無理佢繼續吹水,睇下食咩LA~ 但佢之後都斷斷續續好落力咁SELL佢地哩到有D咩甜品...(其實都覺得佢幾煩),佢亦見我地無乜反應就去煩其他客LA~ 等左一陣,我地見到唔見左批8個人,初初都以為佢入去左LA~慢慢又唔見左對上個6個人喎~我地都以為佢地入座率都幾高幾快丫...應該好快到我地... 果然唔洗3 MINS就到我地...不過安排我地坐係門口個張枱...其實坐門口無乜所謂,但最大問題係佢比張枱一邊係面向牆既...(即係以前M記咪間唔中有D一條長枱,個個都面向牆坐個D咁囉~),我地4個人黎食野喎~比張咁既枱我地,我地點傾計喎~宜家搭枱咩... 所以我地決定唔要個張枱行返出門口繼續等...不過個時亦發覺前上個8人 & 6人根本無入到黎食...最多枱都係坐緊D4人 / 2人姐~所以好明顯係... (不過我地個時都唔會理咁多,最緊要之後有位姐...) 咁我地唔坐自然出返門口等,但等我地後面個6個哥哥仔見我地出返黎,竟然FEEL到唔對路,個時竟然閃埋... 即係得返我地4丁友係門口等...個時我地都一致決定唔食,寧願再搵...走,諗住做好心放返個餐牌係佢地D櫈先走~點知個老闆出黎繼續用粗口話我地...(雖然只係細細聲...),但我地知道我地做左一個明智既決定,就係離開,唔係真係加左料係D野食入面我地點算... 其實一間野總使幾好食,D SERVICE咁差,食完都可能要受氣,咁何必呢!
