返到落去...就係時候搵食了 ~但成條街 好多鋪頭都已經關門LA!(原來哩到唔似HK / TOYKO咁唔係每時每刻都有野食嫁...) 好彩有間"遊客中心" ,本問佢福奄係邊,但佢地睇一睇個TIME TABLE (個TIMETABLE係寫左每一間鋪頭既營業時間嫁...佢個表係堅過D旅行書!)就話已經CLOSED,仲要好多都CLOSED,得返間CAFE仲營業(咁大獲...),最後介紹左一間比速食店...但間野今日竟然休息 最後見"天鳳" 入面仲有人食野...(但又係食拉麵呀...唉~),但唔理咁多LA~最緊要唔洗捱餓先... 哩野除左係一間中華拉麵店之外, 夜晚仲係一間燒肉店黎嫁 老闆娘好好人 知道我地係遊客,就比份中文MENU 我地去點野食(唔洗再靠估/睇圖LA!),仲有熊肉食呀!(不過聽講話比羊更羶,所以都係...) 點左蟹味醬拉麵 &醬味拉麵 ,2個拉麵既湯底都好好飲,係全無味精可言...個麵又彈牙兼爽口喎~正...係塊叉燒細塊左少少姐...但全部都係700- 800YEN有找.算係咁LA! 天鳳行過少少就閰魔堂 , 鬼王望落真係好嚴肅同氣勢呀!(我哩D小鬼好怕見到哩D大神呀!) 見鬼祠 ,就會知要就黎要入地獄谷 破地獄LA! 每人經過哩到,都未必會上去去鬼祠參觀...(除非時間好充裕LA!),只會係門口同D惡魔 打聲招呼就算... 地獄谷,未去到已經見到個停車場有超多旅遊車係到~ 同旅遊中心門口個雪人 打聲招呼就正式向地獄谷出發LU~ 門口個牌 係遊人必影既地方...(當然我都唔會放過LA!) 一入到就已經勁大陣硫磺味 (好攻鼻~),而且唔覺得哩到有咩睇...只係見到一個光禿禿既山 ,(連雪都無乜...)只係不斷噴出白煙... 本來可以兜地獄谷 一個圈 既...(約20MINS),但地下太跣LA~所以只係去鐵泉池就算... 鐵泉池 ,只得一個井口位 ...入面就有好多溫泉水既蒸氣湧出黎...所以都幾熱下(不過哩D天氣黎咪暖囉...HAHA~)...初初仲以為哩到會有D正宗溫泉蛋賣添... 正宗溫泉水 應該同台北個D唔同,因為溫泉水附近個D泥係泥黃,而台灣個D係綠色嫁... 回程既時候,見到有條岔路,可以去到一個平台仔...係可以近距離見到噴氣既氣孔...而且哩到都有個小井 可以望到D溫泉水嫁!(只不過無鐵泉池咁大蒸氣姐...) 又到低能時間LA~將雪整成波波...掉落D溫泉水到...(嘩~D雪真係即時融到唔見左嫁...) 4點幾太陽就開始落山...所以天黑前,從要地獄,返人間~
