6點多就要起身LA~ 今日天色都係岩岩開始光而且天氣都都唔錯... 自噚晚係函館山落左一次大雪後,再無落雪LU~) 未夠7點既朝日市場, 入面冷冷清清,人影/遊客都唔見多個...(一D都唔似築地咁,未天光已經9萬幾人!) 好彩D鋪頭已經營業LA~ 好多鋪頭都會企係門口叫賣D蟹 即買即蒸即食... 而且佢地係一D都唔會吝嗇 ,咁剪隻蟹腳比你試,試左OK再買...但無心買,點敢試佢地D野丫...雖然佢地叫唔洗怕羞,但都唔好意思嫁MA! 估唔到哩到零食都有得賣喎~仲要又比出面平D添~ 一盒蜜瓜百力滋出面賣最平都要1050 YEN,哩到竟然買950YEN咋...(真好難忍手唔買!!!) 其實朝日真係好大嫁...以為行完,點知原來仲有一邊未行 ,但哩邊比原本個個仲要冷清,所以都係留返下次晏少少黎再行過LA! 行完出面就轉去佢地室內既市場 - 駅二市場 入面感覺有D似街市~但多數係買手信居多... 係賣下曬乾/磯燒元貝, 真空尤魚... 有幾檔賣蔬菜 ,(D大根真係又大好長呀HK個D邊有咁勁呀!) 賣生果就只得一檔 ...不過黎到日本點都要食一食生果先得既...本想食蜜瓜,但唔係時候;蘋果又麻麻地有興趣喎~最後都係揀返最愛既多多啤梨...而且老闆好好人本來係600YEN,竟然500YEN就可以成交LA~ 只需比1200YEN就可以係哩到 釣新鮮尤魚,然後再劏即食LA~(聽聞話係包鈎到嫁~) 行完買齊手信,就去摩周丸(外圍)睇下 ...只不過係一條好殘舊既船 ,點解可以成為一個景點嫁!?仲要比錢喎~(唔好玩LA!),寧願留返D錢買多少少野好過... 不過個海港真係好靚 ...雖然天氣係凍,但可以望到一望無際既大海...個刻咩凍都唔記得洒LU~ 隔離仲有個見好大既錨 - "大雪丸大錨" 見佢個邊無雪,咪賴醒咁行埋去睇~點知原來係雲石黎,一行埋去就成個人跣低左,成個坐左係地...(有冇攪錯呀...每景一趺!) 跣完睇完就行返去朝日市場既橫丁市場 佢地係一條街專食刺身丼既街 ...間間門口都放滿D SIMPLE/相,,睇落就好似好好味LA! 最出名一定係 - "一花亭" !除左門口放左個TV,話比人知佢地D尤魚有幾新鮮(劏左隻尤魚,尤魚腳仲識周圍走~)之外,仲話哩到有幾多明星都黎幫襯喎... 行完係一間都無幫襯...(初初諗住買外賣上火車食嫁...但又怕焗左就唔新鮮...) 返到HOTEL無放低野就落去食左早餐先...哩到D款式都算幾多...不過講好味道,就唔及小樽個間SONIA咁好食LU~不過有尤魚刺身~(雖然酒店未必及出面,依然好新鮮,好好味~而且頭先係朝日食唔到,宜家可以係到食返夠...YEAH!) 仲試左日本人最愛既納豆 ,超難食;都唔明點解D日本人仲可以伴飯食... 食飽飽就離開函館LU~ 走個刻先至會發覺到JR駅,有個好得意既藝術品... 下次真係要預早少少去搭車好D,唔洗下下趕頭趕命咁趕去月台(尤其當架車係最遠最尾既月台既時候 )可能時間真係太早既關係,架北斗星號 可以任坐...
