噚日參加完一個舊同事係伊甸園既婚禮,之後慢慢行落中環搵野食... 行行下竟然行左去蓮香樓 ,見佢地仲有野食,咪走上去試下囉~(以前係中環返左咁耐工,都只係經過未試過...) 佢地既裝修只可以用懷舊 點擊圖片放大 黎形容~(不過懷舊得黎唔係又舊又殘既感覺喎!)而且感覺上好似走入左時間隧道一樣,睇返以前老豆細個上酒樓既感覺...可惜只係唔係每張枱底都有個啖罐... 不過唔知係唔係岩岩觀禮後上左腦,覺得哩到好岩擺酒用呀~全晚著住中式裙掛,帶住隻金豬...成晚唔洗再掛住換衫無得食~並且覺得係到擺酒先至岩FEEL嫁MA!(哈哈~) 原來哩到除左有茶盅,原來仲有茶壺嫁...(咁黎得哩到當然要用茶盅 LA~)唔知係心理作用定點,總覺得用菜盅沖出黎既茶係香D既... 由於時間真係太晏既關係,已經無乜點心可以揀LU~(但聽講早上~中午會多D點心~),不過哩到仲係沿用點心車黎推賣,不過佢只 係沿住大廰行... ,行完就會返廚房換過另一批點心出黎嫁LA!但攪笑係佢不斷同人講,要食好食LA!佢就收工,無得食嫁LA! 最後係佢身上只係拎到幾款點心咋~ 馬拉榚 ~ 無乜蛋味,只係得個硬字,無想像中咁好食... 豬肚燒賣 ~ 都係第一次聽 & 見...初初以為佢好似鵪鶉蛋燒賣咁嫁...但原來係2樣野黎~佢件豬肚好大件,但一D都無異味...而燒賣係一嚿免冶瘦豬肉黎整,一D肥膏都無,所以咬落唔肥之餘仲唔韌... 干蒸燒賣 ~ 無出面個D咁大嚿,但用料一D都唔差,隻蝦雖唔係好大隻,但食得出佢既鮮味,而D豬肉就用半肥瘦豬肉... 雞紥 ~ 睇個樣真係好大隻~佢外層既腐皮超大塊,而且好入味...入面塊魚肚亦都未見過咁大塊嫁~入味程度絕對唔會比腐皮差~雖然無左條美味既火腿,而係換轉左一條好淋好入味既肉排...最後仲有一嚿好香好大既冬菇呀! 燒鵝瀨 ~ 碗野亦係好大碗,D瀨雖然係幼身,但絕對比粗身個D易夾...燒鵝亦係啖啖肉,肉質鮮味,一流~ 雖然唔係試左好多點心,但覺得真係覺得哩間野真係麻麻,得個名...,如果真係要讚既,就只係佢D野真係無味精囉~不過聽個婆婆講,宜家D點心係買剩既,所以唔好食唔出奇,但早下午(LUNHC TIME)黎D都係即蒸即買既~而晚上D小菜都好好食,而且價錢都唔係好貴~不過佢仲最推介係豬潤燒賣!
