條路真係好斜(覺得應該有45度...) ,上到去真係無左一半命~ 纜車每隔10 MINS就有一班...所以等既人唔算好多 ...(可能亦因為凍&大雪既機會吧!) 一上車...基本上所以人都會企係車尾 ...(車尾就可以睇到函館山個景點擊圖片放大 ~) 上到展覽館,發覺仲要上3/F,先至可以去到OUTDOOR既展望台... 雖然行上去真係幾辛苦...但望到全球三大夜景之一既函館夜景 ...都算值得既...不過天公真係麻麻地造美...睇左一陣就落大雪 LA~ 唯有退返落1/F...順便買返罐暖暖既粟米湯 ... 隔住玻璃望落去,唔知係唔係真係太大雪,真係好難好清望好遠... 好彩落左一陣就停雪,又可以上去繼續睇過LU ~不過竟然有舊雲唔生性 ,竟然停留係函館山 &函館市半空~咩景都睇唔清... 睇完就落2/F買手信紀念品 ...大部份手信都係大同小異而且價格亦一樣,不過亦見到D出面無得買既野 落山,竟然可以包車 喎(再遲一班車就要同一團日本團同車嫁LA!)...而且一路落山就可以睇返頭先比舊衰雲遮住左既函館夜景...(其實我覺得小樽夜晚靚函館少少嫁...不過唔知點解函館有名過小樽個個囉!?) 落山既時候開始明白老人家所謂 : "上山容易落山難 "... 落返去真係一步一驚心...成日都驚跣低,一路沿住馬路邊落返去... 一落黎沿住地車軌行一陣就返到十字街 條街已經係無乜人LU~雖然無人,但感覺又唔似HK入夜後咁冷清既... 返到去松風町落車 ,落車個刻覺得好似暖左,望下D廣告版發現宜家係0度 ,唔怪得無噚日咁凍LA! 哩邊會多D野食,有好多橫丁,居酒屋 初初黎到諗住食拉麵(因為書話佢係鹽味拉麵既始祖MA)既...但又搵唔到喎... 只係見到菊水小路 ,但成條街都係得居酒屋咋為主... 之後沿返HOTEL方向行,竟然見到大門橫町 ~入面係好多野食...不過都係以居酒屋為主 ...(雖然佢地D串燒,燒肉好香,好想入去試下,但日本居酒屋最好叫酒,後再叫野食才叫有禮貌,所以永遠因為就而卻步...) 最後揀左近門口位置既" 龍鳳" ,睇落間野應該係得既,因為坐滿人一家人 ! 入面既間格好有居酒屋FEEL...而且個老闆 一定係好鐘意打BASEBALL,成間鋪都掛滿球星D相同簽名... 叫左一個鹽味拉麵 ;味增粟米拉麵 & 煎餃 佢地隻SPOON 都整得好特別,GOOD FIT咁放到係碗邊唔會跣落碗湯到! 噚晚個間同哩到真係無得比...因為真係好好味!!!.D湯睇落雖然係清清地,個味好夠,但食得出係無加味精,個麵又軟硬適中喎...正~(唔怪得一間咁食既鋪頭仔都出自家拉麵LA~),而煎餃不過不失...雖然係皮薄,但都係中式煎餃好味D...呵呵~ 食飽飽就慢慢沿住地車路行HOTEL ...(其實好近,都唔洗5 MINS...)一路都有幾多野食 ...不過好多都已經CLOSED (因為已經10點幾LA~) HOTEL ,對面有個BUS STOP ,咪入去睇下會唔會有夜車落東京,(想下次試下嫁~)但原來哩個係無嫁...只得D就有LOCAL TRAVEL既資料... 又買左罐粟米湯 返HOTEL~(其實黎左2日已經唔知用左幾多錢黎買野飲A~唉~) 返到上去當然又係指定節目 - 影手信 第二日又咁就完結~明天就一早起身去朝日市場...