返到札幌...見去函館架北斗星號仲有半個鐘先開 ...本諗住出札幌駅一陣,但要拉住個仔,太煩LA~,都係係站兜下就算... 站入面就有幾間快餐,所以好多人買左都會坐埋一邊食 月台都有間立食既拉麵鋪 佢比出面既立食係平少少添呀~(絕對唔會因為獨市生意而加價...) 北斗星 佢係分指定席 & 自由席...因為3 DAYS PASS既關係,只好坐自由席,但自由席都分2種座份嫁...(一種就座得硬少少 ,另一種就同指定席個D一樣,係軟坐 ...) 臨開車前,又買左罐苦力 上車飲...(哩罐D苦力比噚晚個罐濃D~) 沿途既風景雖然只係一味得雪,雪&雪...但其實好靚...靜靜地坐係火車欣賞沿途風光,真係賞心悅目~ 點擊圖片放大 +11 一路上仲有姐姐 不斷來回兜售零食/雪榚...(初初以為會係D印念品/襟章,但原來唔係囉~) 搭左差唔多4個鐘車終於都到達函館... LOISIR HOTEL 一出函館駅 就到...(超方便~) 個LOBBY亦好大好靚 今次終於住高左少少LA!住9/F (RM 1927 ),不過間房真係大到唔可以同一時間開2個喼囉~(間房既SIZE應該同東京差唔多~) 仲要西斜...(所以一上到房,個STAFF就即幫我地開個窗比我地透涼...)但個VIEW係可以望到朝日市場 & 函館山 !!! 一落樓下附近有好多SHOPPING MALL ,可惜無時間去參觀... 行過少少亦有地車站 - 函館駅前 ...雖然地車話就得2條線...(2 & 5號),但其實佢地行經路線係一樣,全部景點都可以到.. 買左張1天乘車卷就係600YEN 任搭地電車~(如果唔買一天乘車卷,就要一上車係門口到拎張飛仔,當到站就憑張飛仔睇下搭左幾多個站,而比幾多錢!) 個收錢箱 有埋有自助換錢哩個SERVICE嫁!(如果HK都係咁就好LU~) 抱住唔好蝕底既心態,先搭 去最遠既五陵郭公園... 雖然五陵郭公園係五陵郭公園前站 落車,但要行10- 15 MINS先可以行到去... 中途已經見到D五陵郭 LA~不過仲要行段路先至到... 行行下 唔知係唔係D冰太過滑,竟然四腳朝天坐左係地下呀! (好痛呀~) 去到五陵郭 ,忽然唔係咁想上去...所以只係地下睇下紀念品個 就算~ 雖然哩到係賣紀念品,但周圍都有放住幾武士銅像 出去搭地車 既時候,發現路邊既柱都係五角型石柱 黎嫁~(日本人真係有心思呀!)
