一大早就起身發覺今日天氣好好...好到想繼續留係小樽邊到都唔去~ SONIA 係包早餐既,所以落到LOBBY就會見到御朝食 唔知D人係唔係黎小樽唔慣住,所以連食早餐都無乜人嫁... D款式雖然唔多...但樣樣都好好味...( 最好食既係三文魚飯 & 忌廉溝鮮奶呀!)雖然佢地酒店細細,但樣樣都好用心去做...(如果再住小樽,首選一定係哩間) 食飽飽就再去運河欣賞一下日光下既小樽運河 點擊圖片放大 ...(無論日與夜哩到依然係咁吸引...令人唔想走既感覺~) 一早都未有遊客 / 團未到,所以只係D擺賣既檔主 &人力車夫 (個車夫 幾型仔添呀~拉人力車真係浪費左少少~)企係到捱凍~ 走既時候,又再做D無聊但有記念性既野~ 係雪上面打掌印 (除左手套印嫁~) 差唔多走個陣就有一班大學生行過黎...初初以為佢地黎上堂.但原來係黎影畢業相呀~(小樽既學生真係幸福呀!!!) 係小樽最後一站 - 三角市場 其實個名就市場姐,佢只不過一條大約得300- 400米既巷仔 ...(更同HK既魚檔無分別.只係比較乾淨~) 大部份鋪頭都係買蟹 (毛蟹, 長腳蟹 & 鱈場蟹...) 行洒整條巷就求其搵左一間"滝波商店 " ,初初只係諗住食八角魚刺身...但點知見到佢地既特選市場丼只係售2500YEN 咋... 而且將身仲貼滿滿既刺身丼 ,既相,咁吸引好難唔理食完早餐...都要ORDER一個~ 等緊既時候老闆娘 好熱情話比隻鱈場蟹我抱住影相 ...捉住個刻真係好驚,佢身上既刺,加埋怕佢夾我D手指!!!所以一抱起就痴左咁叫...好彩老闆娘又好好人話唔洗驚.放鬆D就得喎~隻蟹蟹又好幾聽話,唔係點動咁比我捉住影相喎~ HAHA~ 八角魚 ~ 佢個樣好邪惡,好有巫婆FEEL呀~而D肉質好爽甜,無乜魚腥味,口感就有D似章紅魚,但唔覺得特別好食...唔明點解台灣 / 日本人咁鐘意食!? 市場丼 ~ 有帶子, 海膽, 三文魚, 三文魚子, 甜蝦, 蟹肉 & 玉子...足料到~未食望到已經好膩好飽~佢地D帶子,海膽真係好YUMMY,(係HK未食過咁新鮮呀...)只係三文魚比較差,可能同其他比較之下....另外玉子我又就覺得HK既ONE SUSHI比佢地整得更好食~佢地其實唔止刺身滿滿,連裡面既飯亦裝得滿滿... 食飽係要抱住個肚先可以行到出門口呀~ 三角市場 & 小樽駅 隔離竟然有間100YEN店 ...以唔好執輸既性格,就入面八下有咩筍野...最後不負眾望掃左2支露筍(一係搽手,一個搽面)... 真係要走個刻,又再一次新大發現...三角市場對面有間MISTER DONUT 日本既MSTER DONUT同台灣係唔同嫁...哩到係有麵食,而且佢哩到D款亦比台灣少... 不過間唔中會出D限定版...而且哩到係自助樣式,想要邊款自己夾就得...唔係下下叫個姐姐夾~ 小樽駅門口有個鐘 ~(噚日黎個時都無留意添~),唔知哩個鐘要黎仲咩嫁呢!? 而且等車期間,仲見到一個咁舊式既月台名牌 !(唔知哩個牌有幾多年歷史呢!?) 繼續往下一站函館出發... ***但由於小樽係無直接車可以去函館...所以唯有轉車...上JR個WEBSITE睇到有2條線可以去到函館... 第一條係先由小樽去長萬部...然後由長萬部去到函館...另一條係由小樽先返札幌,再由札幌搭北斗號去函館...(不過好多本書都係PERFER第二條路...)
