,無無聊聊蕩左左元朗... 元朗其實都幾多野食 ...不過都係想行下先決定食乜~最後係千色廣場附近見到一埋久違既冬姑亭,所以決定一試... 兜左一圈,最多人坐係到食都係 - " 強記西苑咖啡食店" 佢地只係佔左一細個冬姑亭 ,所以多數食客都係坐左係出面黎...雖然係坐出面,但個環境唔算太差 ...坑渠亦尚算乾淨無乜臭味~ 雖然只係摺枱,但D櫈出奇地用實淨既木櫈 ...而且好耐亦無見過用手寫既餐牌 ... 講野食哩到唔算好多... 只係得一張紙咁大把,不過好多都係推介嫁...而且哩到不設任何套餐,只係散叫... 最後就好貪心點一個鮮牛,瑞士汁雞翼,扒米就算~(下次黎一定要試埋佢個西多士...) 每枱都有一樽桂林辣椒醬 ...(而且枱枱都見人都會將D醬伴麵食,不過我怕辣,所以無人試~) 雖然只係散叫,但佢地所以好窩心比左杯暖水 我... 等左一陣就有野食 LA~賣相都唔錯既...而且仲會附上骨碟 一隻, FOR食完放雞骨用!碗野既牛肉雖然細粒左D,但真係好鮮甜,好重牛味; D豬扒亦係切到一條條上,不過好咸,(仲話係推介喎~)但真係幾淋 &煎得幾香; 瑞士雞翼只得2隻,好重滷水汁味,&已經浸到已經骨肉分離; 米粉亦好重米味(感覺有D似媽媽煲粥個D潮洲粥,用好多米落去個種味咁...),而且出面好似真係未食過D咁既米粉~正!!!佢個湯底真係算LA!個味好怪,又咸...
