好耐好耐以前曾經係沙田試過 " 1968" 個時覺得個到坐得好舒服,好舒服 (因為係坐滕整既櫈)...而且傾計更加真係一流~ 不過自從沙田執左其實已經將間野淡忘左...不過竟然係旺角新世紀再重遇... 哩到裝修明顯比沙田整得靚D , (可能哩到得INSIDE位 LA!),不過間野真係唔多人,坐左成晚都係得10枱有找 (雖然都可以返到枱...但間野唔爆囉~) MEMU好攪笑嫁...佢係無餐廳名...不過我鐘意佢MEMU個質地...入面都有好多野食揀既... 半打串燒(雞 &牛) ~ 賣相睇落OK,但食落麻麻地...聽講牛肉食落去好韌,好老 (所以一聽到咁就無試LA!),雞又OK既...不過好重香料味,而無乜雞味囉~不過佢個沙嗲醬正爆,起好味!!! 新蝦紙米卷 ~ 睇到個名寫住係RICE PAPER,就一於試下佢有冇"RICE PAPER"咁好味...但佢真係做唔到囉~個皮整得好厚好黏;感覺上就好似食緊越南粉皮咁...D蝦霉霉地喎!個醬汁係直程食唔出係乜味黎~ 咖哩牛脷 ~ 咖哩好香好濃好滑,正~不過牛脷係勁少,而且切得勁細粒...碗野都唔知過唔過20粒呀!不過佢D配菜 (紅椒, 西芹...)勁多~ 印尼薄餅 ~第一次食D咁好味既薄餅呀!平時出面食個D多都係硬硬地,兼凍凍地...不過間到係熱辣辣得黎軟淋淋嫁...所以食完唔夠喉再REORDER左2客...所以哩個薄餅,TOTAL點左3客呀! 印尼炒貴刁 ~ 個味有D似乾牛河, 不過無牛肉 &得洋蔥 &蔥個D配料...而且佢個款似河粉多過似貴刁囉...但都炒得幾好食好夠鑊氣!而且碟野都OK辣...不過真係正嫁~ 印度黃薑炒飯 點擊圖片放大 ~ 初初對佢好有期望嫁,但點知失望囉~(可能放到涼左!)...佢D飯好乾好硬,而D配料都OK LA!巴東牛肉,又老又韌,一D肉味都無,只得香料味;魚乾硬得黎無乜味; 炸蛋,佢外層炸得有少少脆,而佢面個醬辣得好過隱; 蝦片好脆,不好明輝蝦片FEEL... 間野好似無以前SHATIN個間整得咁好食...不過真係勝在坐成晚都無人行黎行去趕你走~ 但再黎既機會未必咁大,除非一班人又無BOOK位,只係想坐得舒舒服服吹下水,HEA下,哩到真係唔錯既...因為夠靜,可以有包場既感覺!
