日本D巴士真係好準時 ...指定咩時間開車就係個個時間.遲少少都唔會...更何況係到達時間呢... 由於唔係太識落車,所以見班學生哥落車就跟住落 ...好彩個站都係係小樽駅附近...(但總站一落車就係JR STATION呢...) 之後搭JR落去小樽築地港駅 今次嘗試用機 買飛...佢D機好得意,同HK唔同,先睇左地點係幾錢,然後入錢,就揀個個價錢...之後就會吐飛 出黎... 架JR 個感覺有D似台灣既火車咁... 築港駅以住宅區為住,但偏偏隔離就有一個大既SHOPPING MALL - WING BAY,(但搵到某一處,竟然話係OUTLET TOWN 喎!不過入面D野真係好抵嫁!!!)) 而且出面又有個好靚既摩天輪 ! 黎到已經係7點幾,咪諗住先逛WING BAY直至打烊再轉搭摩天輪,但點知... 入面無乜人,靜得有點唔似商場...大部份擺門口既野都係好平... 有D仲平過出面既OUTLET,但D款式亦係已經OUT左既貨色... 見人地差唔多關門就諗住醫埋肚...但點知連食肆 都已經關門大吉...(仲早過其他鋪頭關喎!) 趁落閘放狗之際,問個靚仔食蕉摩天輪收幾點!?...估唔到佢竟然答同商場一樣已經CLOSED... 見無野睇就打到回小樽 小樽築港哩個站 ,有D似大埔站;只係大埔唔會落雪,而一個會咋MA!哈哈~ 返到小樽,發現日與夜晚條街永遠都係無乜人嫁!? (但話洒哩到都係一個旅客區丫!?) 原來小樽駅行5 ~ 10 MINS就已經係小樽都通商店街 ,可惜D鋪頭全部都關洒LA~條街 一個人都無! 再行前少少就有間LAWSON,(入面算有好多人嫁LA~)入去兜左個圈~最後係入面買左2個CUP NOODLE & 一盒多多啤梨奶奶!(買黎以備不時之需~再唔係就當宵夜食左佢...) 8點幾9點...小樽就好似已經進入左深夜時份咁... 好多食肆都已經關門... 小樽運河食堂 ,諗住哩D做遊客生意唔會咁早關門LA...點知入到去...好失望囉~門係未關呀!但入面D鋪頭 全部關門LA! 行左N條街 ...未關既都係得居洒屋,一係就等已經經收拾得7788等夠鐘關門既鋪頭... 最後行到去花銀通 (個到算最多野食) 終於搵到一間中華既拉麵店 - "鍋匠" ,外貌睇落好似麻麻地...但成條得返佢一間,仲要難得入面有客...咪入去試一試囉~ 入面D格局,同睇日劇既中華拉麵店無異 ...開放式既廚房 ,牆身貼滿MENU 因為個MEUN 全部都係日文既關係,靠估既情況下點左一個鹽味拉麵 ,一個面鼓拉麵 2個麵都係麻麻地...雖然係即場煮製.麵底,D料係OK既,但個湯底就差左少少囉~ 拉麵店後面有條稻荷小路 ,哩到勁多多間居酒屋... 食飽飽行返出大路先發覺原來條街有係MAP 嫁...而且清楚講明條街有咩鋪頭...(可惜之前睇唔到兼唔識睇~) 小樽浪漫館 ,終於都見到佢LA!不過宜家黎到已經唔知間野有幾浪漫LU~ 夜晚既小樽運河一個人都無~~唔知係唔係凍既關係呢!?但其實唔係好凍 (無想像中咁凍囉~) 夜晚可能無黃昏個時咁靚,但依然係好靚,好有浪漫既感覺 ...(如果可以係到長住就好LA~) 之後慢慢沿住運河旁邊 行返去HOTEL... 差唔多返到HOTEL見到旁邊有部汽水機...又忍唔住買左罐 粟米湯 (真係一飲上隱!) & 苦力! 返到上去雖然未覺餓,但既然買左杯麵,點都要食返個咖哩豬屎杯麵....佢D咖哩味嗅落好似同HK差唔多,但食落就唔同,因為係香濃好多...而且食食下仲有絲絲既豬屎...簡直係一流...(點解HK無哩款口味嫁...) 食飽飽就訓ZZZ豬....準備第二天既行程~ 今日真係好叻,唔係買左好多野咋~
