又北一哨子館 ...(究竟小樽有幾多間哩個嫁!?),雖然佢門面 & 裝修都唔同...不過岩岩先睇完, 宜家又再見差唔多既野!!! 好彩佢隔離就係既LETAO ...D CHEESE CAKE都幾好出名嫁...不過岩岩食左野,初初諗住今晚先再黎買返去做宵夜,但佢地收19:00喎~唯有再有下次有緣先食佢LA~ 行多5 MINS,就會見到常夜燈 對面就係小樽音樂盒堂本館 LA~(D書話沿運河行20 MINS就到...但足足行左30MINS先到呀!) 黎到都開始天黑LA~所以快D入館 參觀先~哩到真係好多人(好多團) ...樣樣野都好靚,但價錢唔平呀! 本想整返一個屬於自已既音樂盒嫁,但音樂加一個乜都無既木盒(仲要用手搞,先曉出聲個種喎!)都成3000YEN喎! 最後都係唔整LA~買一個普普通通LED回旋木馬配龍貓音樂既音樂盒就算!雖然個音樂盒無乜特別,但一拎上手,不其然有種既快樂既感覺...不過都要2940YEN~(返到酒店,見到佢就開始覺得好肉赤LA~) 走既時候,有幸係門口見到蒸氣鐘岩岩叫響,但只看見一埋蒸氣和細小的音樂鈴聲...根本無其他人/書講得咁正.(真係好失望!) 銀之鐘 就係音樂盒本堂對面...(好易就會見到咋~) 由於又凍又開始黑既關係,所以只係坐係2/F就算...佢地既感覺整得好舒服,好RELAX... 本係一間好優閒既CAFE SHOP,但多左一團國內同胞團係到高談闊論(個領隊 仲要長期企住係個收銀到幫D團友買野,阻住後面其他人買野 喎!)...間野頓變得有點似M記咁~好彩佢地都識做坐埋一邊,總算比返一丁點空間可以各位食客姐靜靜地,RELAX一番... 杯 既款式都算幾多...不過HELLO KITTY就唔係好多LA~而且覺得KITTY頭個個都無以前睇相個D咁靚既~ 靜靜地坐係到一邊望住出面既景色, 一邊享受一杯香濃既紅茶 ...(D紅茶 / COFFEE係可以無限REFUSE~) &一片薄薄既蛋榚,感覺真係覺得好嘆...好正!!! 飲完只要洗返乾淨,就可以帶佢地返屋企嫁LA~(不過唔知有冇人會唔拎佢地走嫁呢!?) 1/F佢地係售賣D北海道特產為主 ,門口仲擺住一座大型舊式咖啡機 ...(不過唔知宜家仲用唔用得嫁呢!?) 門口亦有一隻用雪整成既咖啡杯 5點 已經天黑LA....所以亦要向第二個景點 - 天狗山出發... 原來十字街係無直巴士上去嫁~所以一先搭TAXI返去小樽駅(約要700 ~ 800YEN)再轉搭9號(200 ~220YEN)巴士上去,二係就直接搭TAXI上去... 最後揀左後者,直接搭TAXI上去...但哩程都唔平 ~ 1200YEN先上到去;的士個咪錶亦係同心臟係一樣 - 係咁跳係咁跳(搭一程的士真係分分鐘心臟病都似呀!)...不過真係賺返好多時間既! 係山腰已經見到一座鋪滿白雪既天狗山 & 遠遠既纜車 搭纜車上山 ... 只係需要5~8MINS就可以上到去~沿途仲可以望住D人(好多都係6-8歲既小朋友黎咋...)係高處滑下 個種刺激~(雖然唔可以身同感受,但好想終有一日可以學識滑雪,同佢地一較高下~) 山頂係超級大風,肥肥既我都有點企唔穩,全程要挨住條欄杆...哩到可以望洒到成洒小樽既全景 (雖然唔知邊到打邊到...),不過真係好靚...果然亦係北海道三大夜景之一(真係名不虛傳!)...係到STAY左唔夠10 MINS就閃人LA~(己經差唔多變成雪條咁滯...) 落返一層就係展覽館~ 天狗之館 門口有個天狗像 ,個個黎都都會摸下佢個鼻鼻嫁...所以都比人摸到脫洒色LU~,不過相傳只要誠心沿住佢個鼻摸3次,願意就會成真!!! 展覽館一入去係先介紹滑雪場 & 滑雪 既歷史... 再入面先至介紹天狗既歷史 全國送比小樽既天狗像都放齊係到 ...雖然天狗其貌不揚, 但唔知點解面對佢地竟然有一種好寧靜 & 靜心既感覺... 館隔離仲有D天狗念品 買添呀!(如果有地方買D返黎擺下都唔錯嫁...) 臨走前再衝上山頂,望多一次個靚景先走... (因為唔知幾時再有機會黎~).... 而且見到D雪咁好淋,咁好乾淨,於是順便係到做D出面做唔到白痴野先得~(哩到點攪無都人理嫁~呵呵~) - 寫字仔 & 印腳印 玩緊既時候,竟然係山上面隱約見到個鳥居 ...本想上去睇下.但D雪真係太淋,爬唔到上去睇... 落返山,本來想問人邊到有BUS STOP落返去小樽駅,入去一間好似渡假屋 物體問一問人,但入面人影都無隻,只係聽到有聲...突然腦海諗起D恐怖野喎 - 唔知係邊突然彈D野出黎/遇見傳說中既雪女....見唔對路都係走為上策....(白痴,邊有人會自己嚇自己先得嫁!) 好彩出到門口望一望就見個BUS STOP 係不遠處咋~見D雪又係咁柔軟~所以...又係時候係邊等車邊做傻事LA...
