紅磡食泰國菜既地方話多唔多,話少唔少...但見OPENRICE最多人讚既就係必嘉街既 - " 泰一泰"...間鋪已經係一條唔起眼既街,間鋪仲要係中間位置...連招牌都係細細個...真係相當多起眼,如果要話最突出就係放係櫥窗一隻隻既海南雞LA... 佢間鋪亦無乜點裝修,而且可以用簡陋黎形容... 佢地只係將D間鋪D食物相 貼滿周圍都係就當係裝修... 而且時間尚早既關係,成晚鋪亦得我地一枱咋...不過7:00後就陸陸續續有多人入黎,但每次亦係單身人仕 / 拍拖情侶黎多...一班朋友真係除左我地哩枱就絕無僅有... 馬拉盞炒西蘭花 ~ 一碟唔起眼,但令人回味既一碟菜~馬拉盞炒得好香,夠辣...而且第一次用馬拉盞配西蘭花,個味又出奇地夾(雖然通菜一定係最好味...),不過宜家西蘭花係當造,真係可以一食! 生蝦刺身 ~ 見MENU無,就多口問句.佢地有冇!?好彩佢地話有...上枱個時覺得好奇怪,因為超多冰係個面到,而D蝦就比D冰壓住...D蝦都幾大隻,而且算新鮮,SO都幾爽口彈牙! 個醬汁亦整都好鬼正~睇到佢用左好多蒜蓉, 辣椒 & 青檸汁落去整...雖然個汁係好辣,好辣(覺得辣過出面其他泰國菜館呀!)....但一試愛上...唔將佢沾滿成隻蝦身上面,真係唔點安落~HEHE~ 酸辣蝦球 ~ 個汁同中式既咕嚕肉汁無分別,只係分左D材料轉左...蝦;3色椒;洋蔥 &菠蘿...隻蝦真係麻麻地...食落唔新鮮兼有點晦晦地既感覺...洋蔥好似無乜炒過咁...依然係生!菠蘿亦都係無乜點炒過咁...一D都唔熱,而且亦唔甜! 香茅雞翼 ~ 一D香茅味都無雞翼,不過隻野係生炸既出黎嫁!入面既肉仲充滿肉汁 &嫩滑...而且食得返細細個去茶餐廳食炸雞翼既情懷同感覺呀!(哩種FEEL已經好多茶餐廳都已經無嫁LA...) 青咖哩海鮮炒飯 ~ 又再一次新配搭,而且亦係頭一次食青咖哩...個味道都幾特別,有D香草,薄荷既味道,食落有幾清新 & 涼快既感覺...而且一D既咖哩都無~不過到喉嚨就會有一股辣既感覺湧返上個口到...D飯就半乾半濕(面個D就乾身D,但入面個D係濕嫁...),而配料都算幾多(2隻大青口,2隻晦蝦 &2片尤魚)... 埋單既時候,發現ERIC 原來都黎哩間鋪食野嫁...呵呵~可以同佢去埋同一間餐廳食野,感覺真係好幸福呀!
