TST一直都有好多間舊式既北京菜館,而且多數會係D舊街 & 唔起眼既樓上鋪/閣樓鋪... "泰豐屢" 就係係赫德道街尾... 而且間鋪仲要係2/F...推門入去個刻覺得好似時光倒流,去返60 ~ 70年代既酒樓一樣... 沿住樓梯行上去,就會見到幾幅畫,而且有幅仲係 好大好靚既山水畫...(個感覺有點似廣州個間陶陶居FEEL...),上面仲掛住一盞好靚既水晶燈添呀! 上面既裝修就真係無乜特別LA~ 基本上係無裝修可言...只係周圍都掛起D字 & 畫 ONLY...不過佢D燈, 竟然有自己個名嫁... 而佢地D侍應以男為主,即係5個WAITER,先有1個WAITESS...不過佢地D SERVICE都OK既...上菜 & 收拾都好快!只係點菜 既時候,有個男WAITER隻字不提有"餐" ,後來打算點菜,靚姐先話有餐,而且抵好多...我地成班先知咋...而且佢D餐真係好抵食~仲要講笑話將來某氐伉儷應該係到擺酒LA... 未開飯前,先食D餐前小食 - 咸脆花生(唔咸,但都幾脆...) & 酸菜... D餐雖然係平,但絕對無將價就貨喎... 雞絲粉皮 ~ 雖然話係前菜,但一D都唔細碟...而且成碟D粉皮好有水晶FEEL,而且唔似以前食開個D粉皮咁...D麻醬又伴得岩岩好,唔會過甜 &過多...只係話係雞絲,但好似食唔到有雞絲咁...不過整體黎講好正!!! 賽螃蟹 ~ 亦以為無乜驚喜,但D蛋白低下有好多瑤柱絲~(係完全無諗過有係咁~),可惜佢唔夠醋,所以味道淡左少少~ 蔥爆牛肉 ~ 一碟炒得好香,好夠鑊氣既餸...D蔥真係炒得好香,好爽口,牛肉就好嫩滑,亦有鮮味~不過最難得係佢地D蔥 &牛肉都好平均,絕唔係只有蔥多,牛少!!! 鴨架子湯 ~初初以為只係滾湯(因為北方人唔興好似南方人咁煲湯...),但原來佢係冬瓜湯 ,而入面加D鴨肉落去煲...個湯都幾甜,而且無乜味精,真係值得一讚! 北京水餃 ~ 味道麻麻地...D皮好厚,味道亦好淡,但入面D料好夠味 & 多肉汁 北京填鴨 ~ 全晚既主角~唔知係唔係唔夠位既關係,佢係可以係遙遠既一方切完過黎上枱 ...隻鴨睇落都幾肥,但食落好甘香,好正,不過就騷左少少~佢伴食個塊皮有點似印度既薄餅...一D都唔似以前食個過個D皮咁...不過佢D醬就咸左少少LA,所以點少少都已經足夠... 高力豆沙 ~ 炸完唔係即上枱,所以黎到已經唔係好脆LU~不過依然係咁好味既...而且佢D紅豆唔算太甜,不過放係面既砂糖就少左D...而且佢唔算整得好大粒,可以2口就食完一嚿... 哩間野真係好值得再去嫁~唔知佢有冇做埋LUNCH既呢!?如果有的話,一定要試埋呀!!!
