噚晚同左好耐無見既小強哥出左去旺角食飯... 但開始係諗唔到食咩...突然想食點心喎~但去到添好運,超多人喎~拎左飛,都話要等1個鐘OVER先有得食喎~所以轉場去其他食點心既鋪頭~ 沿住OPENRICE個MAP行左去先達隔離一間又係專食點心既鋪 - "嚐點 " 可能係間早既關係,完全唔洗停位.而且仲可以2人坐佢地既4人枱添呀! 佢地D點心款式 同酒樓個D差唔多...而且仲比酒樓的骰好多添~ 嚐點蝦餃 ~ 皮薄餡靚, D蝦都算鮮甜...估唔到有咁高既水準,不過朋友話D蝦落得太多胡椒粉... 蟹子燒賣 ~ 真係好差既點心,粒燒賣,只食到死死實實既瘦肉...蟹子少得可憐,而蝦碎亦唔覺有~ 鼓椒蒸排骨 ~ D排骨都幾新鮮幾鮮甜,不過嚿嚿都係半肥瘦,正! 灌湯小籠包 ~ 講到係推介, 但係麻麻地咋~雖然個皮係薄,(可以睇到入面D湯嫁...),但食落個皮好硬呢,而且D肉唔夠滑,個湯係甜既,但咸左少少~ 上湯鮮竹卷 ~ 又係另一推介,而且又係賣相都唔錯...但上湯 & 鮮竹卷係都好淡而無味...朋友話如果食素就會覺得好正既... 蝦三角 ~ 初初以為3款唔同既蝦餃,但點知係3粒蝦角...個皮炸得好硬,好乾...而且入面D隻蝦亦唔好食,一D夠鮮甜味都無~ 流沙飽 ~ 個包細得好可憐(細個一個拳頭(女仔手),不過好好食,因為好好流沙 ,味道亦唔太甜...朋友話佢流稀,如果可以多少少咸旦黃落去會再好食D... 脆皮焗叉燒包 ~ 佢亦同流沙飽一樣SIZE (都係細...),而且佢個款有D似墨西哥包...外脆內軟,但唔係成個都係咁喎!只係得一邊脆,一邊係軟~入面D叉燒亦麻麻地 ,用勁多叉燒醬扮叉燒~ 大家都覺得哩間野係麻麻 (可以話差添...),而且覺得大圍個間裕記比佢好食千萬倍...哩間野一定無下次~
