一直以前韓國前菜(醃製食品)只鐘意食芽菜 ,蘿白 &菜苗 ...最憎食就係泡菜~(因為覺得好難食,只係勁鐘意用泡菜汁伴飯食~)直至上年係美食節,就遇上另一種前菜 -生醃辣八爪魚...就從此深深愛上~ (因為用我最愛既泡菜汁+八爪魚製成~正呀!) 今日睇頭條日報介紹一間專賣韓國前菜小食既地方 - "新世界" ,睇完腦袋即閃完久違既味道 ~全日返工個腦只係不斷浮出八爪魚既味道...好辛苦先捱到放工,過去金巴利街... 間鋪係分2邊既,一邊係賣韓國既乾貨,而另一邊就係賣醃製食品...而且款式亦好多得揀呀! 但成間鋪最吸引既都係得3樣野 - 岩岩新返左D醃雞泡魚乾(細 $40, 大 $80) ~ 不過賣相麻麻,而且總覺得哩D小食只應該送啤酒既零食既,當前菜/伴飯就好似怪怪... 辣尤魚(細 $50, 大 $100) ~食落個味其實差唔多,但少左份口感;不過就爽口少少... 辣八爪魚(細 $50 大 $100) ~食落煙韌,彈牙...但略嫌蒜味重左少少,辣味不足... 最後只係買左盒細八爪魚 ...雖然話細 ,但入面既份量都唔少,而且都幾重手 & 幾多條鬚添~不過盒野應該無防腐劑,只可以放2星期咋~(但有2星期與它共聚已經足夠LA~)
