噚日蘋果日報介紹左長沙灣一間泰國餐廳 - 泰 ... 放工忍唔住就一試... 哩間野座落係一個唔起眼既位置,(可以話係D半死角位...),但間野其實係禾桿冚珍珠... 8點幾去到,佢初初話等20 ~ 25 MINS,但最後竟然等足45 MINS先有位... (好彩佢有D櫈係門口比人坐姐...) 哩間野其實係無MENU,只靠外賣紙 / 見人地叫乜就點乜去落ORDER... 炸蝦餅 ~ 原先諗住叫小食拼盤,但已經售罄,咪轉哩款囉...佢個面都炸得幾燶,不過入面真係好足料,食落去彈牙,唔係只得粉...正~ 燒雞翼 ~ 基本上枱枱都緊有一碗,賣相其實都唔錯,而且燒完個皮真係幾可口,但D肉燒得過火左少少,有D韌... 串燒 (牛) ~ 話得返牛,其他雞豬都賣洒...本來對牛串都無乜期望嫁.因為只係賣剩佢喎,應該好食極有限LA~但試完真係將原先個D野全部推反呀!因為係超好味...串牛燒完都仲係好淋好軟,入面亦好JUICY...個沙嗲汁又正,但個味似咖哩 + 沙嗲咁...,而且食到濃濃既椰汁味... 生蝦刺身 ~ 哩個係全餐既重頭戲~可惜佢話D蝦已經唔夠分,只可以比到半碟...D蝦都算新鮮,可惜細隻左少少...但D配料同個汁都好正,雖然係好辣,但辣中一點甜(青檸汁)~而且覺得哩個比金寶既蝦刺身更好味呀! 菠蘿炒飯 ~ 初初以為佢會原個菠蘿上,但原來只係普通炒飯...但碟野都算幾大碟,而且無乜油...佢地亦以黃飯作飯底,唔似一般只用白飯黎炒~D飯略帶乾身 &硬左...但哩個飯麻麻地,下次再去可以唔叫~ 哩到D野基本上係即叫即整,所以時間要預時間比佢地...應該係話催都無用,催完亦都係要等... 10點幾都繼續有人黎,但佢地已經話收檔LU~因為已經唔夠料...(可能佢地無預突然咁多人去食~),而且放滿門口D碗碟 ,佢地都話留返明天先洗... 哩間野真係值得黎...以後再黎長沙灣食泰菜應該首選哩間LU~
