前排聽個舊同事講沙田圍有檔打冷好正... 今晚皇后皇恩浩蕩放我同老豆一日假期...所以又出左去搵食... 本來諗住帶佢去食"SHAKEY PIZZA"嫁...但超多人(等30張枱呀!),而且老豆又突然話想食返中菜喎~本來又話去返"陳根記",但最後我SUGGEST去打冷(唔想次次都係哩間呀!想試新野呀!)... 初初都唔知個同事講個間打冷係邊,佢只係話係炭爐邊邊隔離... 但見哩間 " 新潮軒打冷小菜粉麵 "咁多人,應該唔洗講都好事,咪就試左哩間囉~(但好唔好食就見人見智LA!) 間野都幾多野揀,打冷;小菜...下午仲係一間茶餐廳~想食咩基本上都有... 最後點左 : 滷水鵝 ~ D鵝係食唔出係鵝...所以都唔知會唔會鴨扮鵝囉~而且D野超咸...但放底既豆腐又出奇好食喎!豆味又香,而且吸左滷水汁又唔咸喎!而且老豆話碟野最好食係個花生,因為又係吸左味MA!(不過佢黎食打冷都係為左食花生咋...) 滷水拼盤 (豬腸; 豬耳仔; 豬頸肉; 紅腸; 生腸; 雞腎; 滷水蛋; 豆卜; 芽菜) ~ 好豐富既一碟,咩都有,但亦都係麻麻地好食...豬腸肥左少少; 豬耳仔唔夠爽,紅腸薄薄一片,味道都OK,但哩樣好難整得唔好食既; 生腸好爽口但無味,初初以為係尤魚黎嫁,問佢地先知係腸黎; 而且唔同我地平時係出街食橙色個D; 雞腎又係薄薄一片,不過依然好硬(老豆話直程唔好食添呀!); 滷水蛋得個色,唔入味兼硬喎; 豆卜就太少LA!不過吸左個汁都OK既; 芽菜哩樣係全碟既精華所在...成碟無一樣比佢好... 蠔仔肉碎粥 ~ 全晚最好食...D蠔仔好新鮮,但佢肉碎一樣唔係好多, 而且佢最特別係加左D豬油榨係混埋一齊...所以食落去好甘香...個湯味精就重左少少,但算過得去LA! 但哩間真係抵食,但唔好食呢...所以只此一次,下次唔好再攪我地LU~
