睇完本想諗住行 去東興洋行...但中途竟然見到"同記豆花", 見順路咪當食埋個TEA先上路... 間鋪又無乜人...只係得一枱日本客...點左一個 傳統豆花配紅豆沙 & 竹炭黑豆花配綠豆沙 ...佢地D豆花真係好滑,HK個D好似都係差少少...D紅豆沙又好綿好淋...但竹炭豆花就麻麻地LA!有口感得黎唔滑,而且食到有D芝麻味...NOT GOOD,但綠豆沙反而OK,但整體黎講都係傳統配紅豆先係最好味... 繼續向東興洋行進發,中途會有個公園仔,入面竟然又有一個鄭成功銅像 ...而且仲有龍貓舊式水泵 添呀!本以為無水出嫁,但點知一泵就出水LA!(好得意呀!!!) 但點知會有個水泵係到嫁呢!? 東興洋行,見又要入場費,所以係門口望下就算... 點擊圖片放大 安平樹屋又係咁喎~不過D"卜友"話入面無野睇嫁...所以都係一樣到此一遊算...但係經屋側邊 望入間樹屋到...入去可能會有搵笨既感覺添呀! 下一站古井 ,但點知去到佢已經入左牢...仲要連一級古蹟個條柱都遮住埋...個井都乾左LA!洗唔洗咁樣對佢喎~ 安平老街 ,可能係平日既關係.無乜人...但好彩都有幾多鋪頭開左唔似一個死城咁... 佢地D鋪頭無乜特別,只係買下D手工藝品咁...唔太吸引! (覺得深坑D紀念品靚D...) 益生堂 ,哩間鋪頭專賣咸濕野食 ,而且成條街最大就係佢LA~ (我指間鋪...) 而且哩到有好多間都係賣牛奶糖 嫁 (佢地個款似了結糖多D...),不過價錢都幾貴,真係拍得住楓樹國個隻了結糖嫁~ 行完老街再行返去大街買埋其他手信...本想買蝦片(因為安平出名嫁...),但搵唔到網人講好食個間"東東",於是去左周氐附近睇落較大個間買...但試食個時食到佢有焦焦味...佢地仲話無野喎~但咁大陣焦焦味喎~最後都係無買... 阿布丁丁... 佢地賣布丁公仔好CUTE呀!初初以為只買精品,但點知仲有布丁賣嫁...最後幫襯佢買左個原味焦糖布丁& 苦力味布丁又留返今晚返HOTEL做宵夜~(又有布丁食LA!YEAH!) 打算搭車走,但點知岩岩架巴士係前面經過(買布可個時...),但好彩老闆話哩架15 MINS一架姐...(好彩~唔係可能又要搭的士返HOTEL LU~) 既然都走左...就繼續行大街...行行下竟然搵到"東東" 呀!但佢個名係(東)喎~初初都怕佢係假,但試過佢地D蝦片係得喎 ~咪買包細返屋企食囉...本想當手信買.但一壓就碎,(比人唔好睇MA!)所以都係算LA~
