第二日既行程睇落好似好輕鬆咁...但去既地方要好遠...所以一大早就起身LA~ 但唔知係唔係太早既關係,全間餐廳都係吉 既~ 雖然哩到唔係D咩5星級既HOTEL, 但佢地既早餐都係BUFFET形式...雖然唔係好多款揀,但樣樣野都唔錯,幾好食嫁~ VIEW 雖然唔係好靚,但終好過間房咩都睇唔到嫁LA! 本想行出去赤崁樓搭3號公車去到總站再搭10號去七股,但見仲有30 MINS架車先到,咁就打算行落去下一個站搭兼順便周圍兜下...(但唔行好過行...) 酒店附近有間度小月 ,唔知係真定假嫁呢!? 沿住民族路二段行去三段,一路上都唔覺得有問題,只係望下周圍有咩景物 就算...但行左幾條街,都唔覺得有巴士站,只係見到街市 咋...慢慢開始覺得有點迷路呀! 最後兜返出去成功路,終於都見返個巴士站...但計返架車又岩岩開走左...如果再等又差唔多40 ~50 MINS...最後搭的士入去算...(唔想再煩呀!) 企左一陣就有TAXI LA!(台南企係到既話就有好多的士司機咇你,叫你上車嫁!)上到車同司機講話去七股,佢第一句就話: "很遠呀!" 沿途上,佢一直都介紹南台有咩好食好玩...仲要佢一見我拎起機打算影相,佢就會自自然然開慢D...(真係一個好NICE好細心既司機呀) 一去到西港大橋 ,佢就話條橋係台南市 & 台南縣既分界線...所以哩到D人多數叫台南線... 一過左台南線無耐就會到紅樹林 ...哩到一到秋冬就會好多候鳥 黎台南過冬嫁LA!但唔知係唔係因為全球暖化,宜家既候鳥已經少左... 不過都有幸可以遠距離見到...(但司機話以前距離會近D,有時會係橋下面已經有,但宜家做緊工程,所以佢地唔敢飛咁埋...) 過埋紅樹林四周都變得好荒蕪...好似真係返左D好鄉下既地方咁...周圍都係得D紅磚屋,附近係咩都無 ...有既都係得D魚塘...(住哩到,雖然係鄉下D,但人都會長命D !!!) 由台南市開左差唔多40 MINS車程,終於都到鹽山...而且網上面既人真係講得無錯,自己開車/坐的士入去係唔洗比入場費...而且由成功路 ~ 鹽山,要NT $505嫁...最後司機建議包車...諗左一陣亦同佢討價還價,最後 NT$200一個鐘...由剛剛上車開始計,所以頭先個NT $505唔洗比...不過最少要包3 HRS... 但鹽山附近亦無咩睇 ...除左個所謂鹽山 ...哩個山用石屎造...只係將D粗鹽放係個山腰位置 ...都唔似D書咁話.個山都係鹽...(都搵笨既~下次一次唔會再黎...) 鹽山隔離仲有一個不沉之海 ...聽個司機叔叔講,只有暑假先至會開,並且入面只係放好多鹽落水,所以先至唔會沉... 到此一遊完就去博物館 ...因為平日既關係,都無乜人入館,所以有點似包場似的... 哩個博物館講既野同HK個D差唔多,連裝修其實都好似一樣咁... 點擊圖片放大 +2 佢地有個洞 整得真係好靚,感覺好似去左D水晶洞 咁...而且感覺個令到心境寧靜... 差唔多睇完個館,突然會諗起以前TVB套電影劇 - 碧血鹽梟...~不過覺得以前採鹽真係好辛苦嫁 ...唔似宜家咁可以樣樣用機器... 睇完就去佢地個精品館睇下有咩記念品可以買返去當手信,但點知樣樣都唔吸引,睇落最得意就係得包鹽糖 ...逛完去換酒店送COUPON 換咖啡(好香,無飲過...聽聞話好滑...); 鹽製雪條 (無出面D雪條咁甜,但亦唔覺得係鹽造...) & 自製沙瓶 (哩D小朋友玩意,麻麻地好玩~)...
