唔知係唔係太早去既關係 (大約6點過少少),去到佢地只係岩岩開檔 咋...有D仲要未開添...所以係到望一望大概係點先... 開得最快既夜攤會係玩遊戲個D !檔野都幾多人玩,所以都要試下,但點知眼界其差,拮穿左一個波波咋...奬品係口罩一個 ...HAHA~ 有一當買靚靚袋既檔口 ,D野都幾貴下,但全部都MADE IN TAIWAN~ 其剩個D就係買衫 & 飾物多..雖然佢地D款 &料都靚嫁,但可惜全部全都唔平...所以都係睇下就算... 哩個幾好,佢乾貨 同D食檔係分開嫁...所以行得舒服又安全... 有檔係即場釣蝦 ,釣到幾多就可以即燒黎食...初初都有諗過試下,因為 NT10一支,但發覺個釣係用紙痴住隻鈎,好易斷嫁...見人地玩左好多支都係得幾隻蝦...咁搵笨最後放棄無玩LU~ 唔知係唔係台南人好鐘意食麵包嫁呢!?哩到最少有5檔賣麵包 嫁...(黎到哩到又無乜興趣試喎!) 哩都有好多滷味檔,而且檔檔都好多人,尤其"二師兄 "為人山人海... 兜左一個圈就正式搵食 LU~先黎左一串魚條 ,但都唔好食既...粉仲多過魚...(真係比佢呃左...),但食完飲個杯西瓜汁 就真係正LA~又冰凍又夠鮮味...而且只係NT$35 咋..大大杯,抵到難呀! 見到檔鴨羮 好多人係到食,所以就坐低要左碗鴨肉羮米粉 ...但味道一般,因為個湯個味有D羶味...鴨肉都幾新鮮,米粉就用新竹米粉嫁!正~ 食飽飽就去買手信LU~最後都係返返去靚袋袋個間,睇中左個車車散仔包...但可惜岩岩比人買左...唉~ 行完繼續食...今次再去食蚵仔煎....檔野亦都好多人,亦有一班台南東大學既PROFESSOR&佢D學生出黎食野喎!佢地都讚哩檔D煎好好食...本想只係食蚵仔煎,但仲有2款~有蝦仔煎,& 花枝煎喎~因為樣樣都想試,所以揀左個綜合煎 ...(咁就樣樣都有D~~),食完老闆仲請我地食芭樂 !(好香甜嫁...) 食落真係比台北好食好多...無咁鼻涕FEEL,但無乜料囉...有都無乜味...但OK嫁... 又繼續去睇人地玩射氣球...但除此之外仲有好多野玩嫁 ...估麻雀; 拋圈圈 估唔到連車車 都有得玩呀...(咁少地方都做到生意佢地真係好計~) 臨走前,走左去好多人都買既冷盤返HOTEL食...個到有好多款揀,但最後只 係揀左尤魚...只係NT $30咋...仲要好大條,又爽口嫁~正~ 其實想試埋佢D鵝肝 嫁...但怕好腥,同膽固醇高,所以都係望下算LA! 最後去買埋D炸蟹先走...本來有2種口味~ 沙茶 & 蒜蓉...但因為差唔多收檔既關係得返蒜蓉咋...而且又無乜蟹可揀一係就揀大就 NT $200, 中就 NT $100...最後揀左中就算,因為都飽飽地... D蟹食落一般LA!可能凍左掛...鮮就有鮮味既...但比D蒜味蓋過洒...不過D殼都OK,一咬就碎,但下次未必會再試~ 食飽飽就食埋今日買既宵夜 ~ 布丁 ....佢地D布丁真係幾好食嫁...初初食個時覺得點解乾淨淨成個燉蛋咁...但拮得深D既時候發覺原來個底係有焦糖汁嫁...兩著加埋一齊食,簡直超好食呀! 而個玉米奶酪就覺得麻麻地,雖然真係好香玉米味,但麻麻地奶酪,所以打動唔到我!不過淋淋有D似百福豆花咁...幾得意~ 食飽飽就ZZZ,明天仲要去七股睇鹽山同博物館呀!
