哩排先發覺尖沙咀返工有好處,就係成日都有去D新商場到試新野... 今日就去左K11 試越南野 - 大叻越式料理... 間野係B2個層... 間餐廳望落都幾GRAND 點擊圖片放大 ,幾靚...一D都唔似只係食越南野既餐廳~ 佢地SET LUNCH 款式就少左少少...不過可以接受既...而且加少少錢仲可以試埋佢地D小食 (加$12) & 飲品(加$8)~ 生牛肉河粉 ~ 以前聽人講過第一次去一間越南餐廳食野一定要試佢地D既生牛油河,如果整得好食,間野係唔會差得去邊既~碗生牛河都唔算OK;牛肉分量都幾多;但河粉就差左少少,D河粉竟然唔係一條條,而係一PAT PAT嫁!個湯其實都OK..雖然個味唔係好濃,但好夠香並且無乜味精... 香茅雞翼湯蒙 ~ 碗野D雞翼尚算OK...但D蒙粉就少左DD,不過個湯都係無乜味精,所以可以一試... 豬頸肉湯蒙 ~ D豬頸肉都幾爽幾好食,不過一D都唔似烤過,似白灼多少少...D蒙粉就比雞翼個碗多少少...但比起河粉就算少LA~哩碗只可以話係正常分量囉~ 而且叫多一碟越式酸辣鳳爪 做小食...但佢D鳳爪真係麻麻地LA~碟野雖然係骨,但硬少少,而且又唔酸又唔辣...只係放大量黑PEPPER係面就算...哩碟野真係好無HURT囉...但唔明點解好多枱都叫喎~ 間野整體都OK既...以後都應該會再去...但唔會係每個LUNCH都會諗起既地方...
