上星期睇報紙話興記 做埋22/11就會暫時光榮結業... 所以星期六有時間決定再去光顧多一次... 唔知係唔係時間尚早既關係,等左都唔夠5 MINS就有位... 今次唔理食唔食得洒LU~ 叫左D想食既野先... 生炸雞脾 ~ 上次黎既時候食唔到,今次終於都有得食...佢地係即叫即炸,雖然時間係要等長少少,但唔緊要,因為好好味...雖然隻脾油左少少,但生炸,所以入面D肉好嫩滑,唔會過老,出面層皮簡直一流,炸到脆卜卜,食完肥幾磅都無所謂~ 奶茶煉奶底 ~ 飲咁多間奶茶,始終覺得哩間D奶茶最好飲,最岩味...因為茶唔會過濃,沖得岩岩好,D奶又唔會太多太少...但最緊要係佢地真係夠滑... 常餐 - 沙嗲牛麵 , 腸仔火腿蛋餐包 ~ D沙嗲其實唔係好濃,但個味好香;而D牛肉,亦唔同出面D牛肉,佢地多D份鮮味, 麵佢地終於都唔係用公仔麵,而用福字麵,但今次接受左LU~而且覺得今次係比上面好食無咁淋... 腸仔略為煎得乾身左少少,但無乜油,而且唔咸~正~ 隻蛋唔記得叫佢轉太陽蛋,但都OK...因為蛋旦仲係蛋漿,不過唔小心整穿左佢...搞到最愛既蛋黃有D黏左係火腿上面...唉~ 豬扒多士 ~ 雖然豬扒包先係佢地最出名,但唔想再食包,所以叫左多士...放凍左先食,但依然咁好味...塊多士依然係脆卜卜,佢烤得岩岩好...豬扒放凍左都唔係好油,塊肉又鬆軟,果然名不虛傳... 午餐 - 豬扒通 , 火腿蛋奄列 ~ 豬扒浸左落湯,個味依然係到...而且一樣咁鬆軟...但個通粉就差左少少,無乜味...連個湯都係淡而無味...火腿奄列亦唔錯,蛋煎得岩岩好...但火腿好似少左少少咁...如果多返D更好味~ 食完點解有點依依不捨,雖然同哩到無乜感情可言,但眼見又有一間有歷史意義既 茶餐廳又消失左係一個無乜人情味既石屎森林入面,有點可惜...
