去完威記探阿媽之後,就同左老豆行左落去河畔搵飯食... (由威記行落去河畔都唔係好遠咋喎~只係需要15~20MINS就攪掂~) 見到間由細到大只係經過,但一次都未食過既強記雞粥 ...(老豆話自20年前由大圍搬到黎哩到都未試過LA~),所以難得黎到唔諗就入去試下LU~ 一入門口感覺佢地既裝修真係一般,似茶餐廳多少少...感覺又帶點舊...而且7點多少少去都出奇地少人...唔洗等可以即入...入面仲有幾多張吉枱添~ SERVICE都OK,因為D WAITER好落力去SELL,成日都講有咩做緊特價...(仲要張張枱都會講一次)所以覺得佢地每日既工作就係背特價表... 不過聽佢地得真係幾抵食既~好似豬屎焗澳洲龍蝦配伊麵底原價係$198, 但做緊$138, 仲要豬屎/咖哩炒蟹都係 $68...其實都有心動.不過想將來人齊先至再黎食... 但最後我地都係最左MEUM上面個D特價就算 ~ 竹笙海皇翅 ~ 只係$18, 但好大碗,睇落都幾多料, 不過食落真係麻麻地...D湯勁重味精,D料雖然係多有,但無乜味咁,連D蝦粒都係得口感無味;而D翅佢就似用素翅代替,但都有少少真係群翅,但最可惜係食唔到竹笙~ 紅燒炸乳鴿 ~ 睇落賣相都唔錯,雖然已經放凍左先食,但都食落D皮仲係脆嫁...而且鴿鴿勁嫩滑 & 充滿肉汁,而且感覺上比龍華更好食...(老豆都同意!!!), 西蘭花炒帶子吊片 ~ 咁多碟餸黎講最細碟;而且西蘭花略硬,帶子只係一毫差唔多SIZE,又無乜鮮味喎!不過最好食都係吊片,大大塊, 又炒得剛好,而且幾爽口,不過下次就未必再叫哩個LU~ 白灼蝦 ~ 初初覺得佢應該唔多,但上到枱又出奇地多喎~應該都多過半斤,D蝦又係普通SIZE,唔係比D蝦仔就算...而且食落尚算幾有蝦味同新鮮喎~初初都怕佢係比死蝦就算~所以哩個都算抵食... 鮑魚雞粥 ~ 初初以為只係普通一碗仔,但點知一黎到竟然係一煲(佢MEUM個張相果然係真 ,無呃人喎!)個WAITER仲攪笑話: 粥黎呀咋...好少野~ "但食落先知捉蟲,因為唔係出面個D無米粥,係好多米係底,而且個粥真係好綿...D雞就麻麻地,超咸~不過算係啖啖肉~鮑魚片都有2塊,都幾大塊嫁...最美中不足係真係食得出唔係所以料一齊煲,而係上枱前先放落去囉~ 芒果榚 ~ 佢地送既甜品,賣相OK,而且食落唔算太甜,但食唔出有芒果味囉,中間亦無果肉,只係有D芒果味椰果,所以味道一般,不過算幾特別,好過送果盤就算~ 將來都應該仲有機會再黎,而且希望下次試埋佢隔離個間"雍雅山房"先得!
