一直恨北上既我,上星期六終於都有機會LA! 落馬洲條線開左咁耐,一直都未搭過,所以趁哩次機會,順便可以試埋...去落馬洲 既乘客唔算多人,係上水上車仲可以有位坐... 佢個大堂 好闊落, 鋪頭都幾多,但多數以食為主,而且唔似羅湖又迫又無鋪頭... 過關就唔洗排隊好快就出到境,但如果要行去黃崗個邊都幾遠下...因為用"水上飄"都要差唔多5-10MINS,(如果行既話最少都10-15 MINS呀!) 但PRC個個關就耐少少,因為要排隊...不過都OK,因為一出就係MTR STATION... 不過福田口岸 等地車出返去市區都幾耐,等左差唔多7 ~ 8 MINS先有車...等車期間發現將來係坐地車就可以由羅湖去到寶安個頭... (以後去玩去食就可以再去遠D...唔洗只留係深圳市區LA!) 由福田搭地車去到華強路站 都要15~20MINS...不過邊搭地車都係勁少人...實有位唔洗同人爭 & 迫... 但哩邊唔會比羅湖快,仲要中途轉車浪費左更多時間~ 哩個時候發生一段小插曲,打算影站名既時候,竟然有人土話同我講勁次叫我唔好影相喎~,其實佢講幾多次都無用LA!我都唔明佢講乜~正如去到日本問路你用英文佢也都未必明一樣,何況係土話...都係高等動物~攪笑係公眾地方又無指示牌既情況下唔比影~佢憑咩唔比影先~(如果一句話 : "哩到我話事既,你無權問,咪得囉~)但之後個個站都照影LA!其他人咪一樣唔理你... 去到華強站, 又係要經過一個地下商場 (個FEEL似旺中)先上到地面...唔知點解覺得哩到D空氣同HK唔同,差好多~(其實只係一河之隔姐...)仲要唔係一上黎就係華強北路喎~ 之後問一個買報紙既阿姐...佢教我地行咋... (係PRC問路一係問POLICE,一係就問買野個D,佢地唔肯答嫁...其他人係唔會答同幫嫁...) 去到強北已經見到好多人係到拎住D電腦周圍走...不過係到都係到此一遊...因為黎哩到既目的係食小肥羊... 行左30 MINS都未搵到野間,中途問左2個POLICE,佢地都係指字同一條街,最後由街頭搵到街尾先搵到...而且搵到既時候都已經接近4點...不過唔理LA!一心黎到點都要試一試... 全間鋪得3枱客 (包括哩枱) ,不過D野食亦都同HK個D係一樣... 最後點左一個鴛鴦湯底 ,手打蝦丸 ;蝦子墨魚滑 ;精選牛肉 &羊粉 ...其實佢地勁SELL新出個個魔方肉 ,話一隻牛得一份...所以好忴特,可惜我唔食羊,所以都係睇下算~而且食完既感覺係覺得無一樣係好食過HK,而且埋單RMB 155...覺得係HK食小肥羊都係一個咁上下價錢,(仲可以任叫任食又唔洗又上又落添...所以唔明點解D人話哩到抵食!?)所以只此一次... 食飽飽就先過對面去既鋪頭仔買左杯布丁奶茶 ,但點知杯野得奶味,一D茶味都無,得個甜字...好彩佢D布丁好好味姐...唔係間野執得~ 飲完就上WAL-MART行街街LU~...(每次上PRC都一定要行一行先安落,往往發現到一DHK唔會見,買到既野~) 果籃 都要買RMB168一個呀~(哩個籃一定唔值囉~)放上面既生果只係放D平既生果...平時都會買LA!洗咩買佢丫....不過佢地特別之處係放D LEMON係果籃上面當生果...(小女子真係見識少,果然大開眼界) 而且佢地將D生果放埋一個盒到都可以叫禮盒,而且多左個盒就貴OVER 30%...佢地既華盛頓蘋果,一斤買RMB4.5, 但一盒得12個 就已經買RMB168, 同搶錢無分別...但如果講最貴一定係哩盒LEMON 最貴,雖然係SUNKIST,但得20個,但買RMB98.60呀~不過如果真係有人送禮送盒LEMON比我既話,我都唔知要黎切返比佢食好定掟佢好!? 一支2.5公升既汽水 只係RMB 4.8, 係邊到搵呀!? 靈堂(0糖)可樂,上面係叫零度 嫁...(果然大家文化既差異...) 第一次見康師傅咁型仔 ...出左個方型樽...唔好睇少支野..有1 L咁多嫁...亦只需RMB 4.3咋... 醒目汽水 !?飲完會唔會真係醒目少少嫁!?仲有有西瓜味同蘋果味添... 最後行完玩完,自然會執返DHK都有哩個牌子,但特別既野返屋企LA ~ 趣多多 (HK一包要件13,但哩到只係RMB4.7一包咋..仲要岩岩出多2個新口味,一個係經典朱古力 ,一係係提子朱古力 ,暫時HK係無嫁); 萬樂珠 (係HK已經好耐無見過咁細筒LA!仲係有6種味 (士多啤梨, 香橙, 提子, 青檸 &青蘋果); 曬駱駝既西瓜味既口膠 & 熱果味既口糖 (哩D味係HK都無見過嫁,所以身先士卒...); 芬達桃味汽水 (次次芬達出新口味,HK永遠都唔會有份嫁...要試其他味,只好去其他地區呀咋...); 好多魚(見到第一時間諗起愛吃既索太,不過佢個名似一個好粗俗既"多春魚"變出黎咁...) 買完又再出發去另一個商場...中信廣場,個到除左有JUSCO之外,無一個地方係值得行囉...不過黎到都係順個便姐...如果係突登黎既話,真係唔好攪... 見無野行咪去科學館站搭車地車落東門(老街站) ,一個感覺比較多野行既地方,但哩到其實只係將MK D野放大多1 ~2倍黎行,買既款式差唔多,價錢其實己經同HK差唔多添... (可能係RMB貴左好多LA!) 又到食晚飯時間就落返去樂園路食SEAFOOD...臨之前又上左OPENRICE睇下邊個最好食,話最得係"寶發食館" ,但去到又發覺點知又比人呃左... 去到個刻真係滿心期待 & 歡喜...因為好FULL好多人,仲要地下無位上樓上,上到去仲要等一陣先有位喎...哩個可以接受,因為好食先多人幫襯,所以可以接受..而且黎得哩到當然係食海鮮LA~但食完哩餐覺得都係"金山"好食好多~ 哩到唔止係有啤酒姐姐...仲有王老吉姐姐 添呀~(真係估佢唔到...),基本上每一枱都會叫幾罐王老吉黎當啤酒飲... 炒聖子王 ~ 佢地所謂既王,其實只係HK一般既SIZE,不過只係RMB 38一斤,都食得過既...但食落係一D鮮味都無,唔係靠D鼓椒個D汁黎吊味咋... 炭燒蠔 ~ 已經再唔係好似以前咁燒出黎LA!,似蒸出黎多D...隻蠔一樣係無味, 又係靠大量蒜蓉,所出黎勁咸,蠔瞉大,但蠔細... 蒜蓉蒸扇貝 ~ 全晚最好食既一碟,雖然D扇貝只係好似1蚊/5毛咁大隻,但最緊要係新鮮,不過蒸得過火左少少...粉絲其少...但OK嫁LA! 本想叫埋瀨尿蝦,但佢勁細隻...每隻最多10CM長, 咁細隻邊有肉食,不過都唔忍心將咁細隻吞落肚,所以無叫~ 之後揀無可揀之下就食左炸饅頭 ~ 炸得幾好食 (哩個幾難唔好食嫁喎~),不過嫌就炸得唔夠乾身,同油太多少少...(哩個亦可以話哩個只係為填肚唔係要好味道...) 海鮮卷 ~ 史上最難食既海鮮卷,入面一D所謂海鮮都無,只係得沙律醬,其實都算...但佢出面有塊咬唔開既皮...都唔知乜鬼黎...不過佢出面都幾落本,真係有雞蛋漿拎去炸嫁...但真係唔識欣賞囉...所以最後勁核突咁只係食入面D醬,掉返個皮出黎... 哈哈~ 如果早知哩個咁難食,食鴿鴿就算... 中途又發生左一段小插曲,3大圍既HK人上黎食飯...食食下有個女仔發現左乜煲入面竟然發覺左隻大強...哩間野真係又DIRTY又難食喎~不過下次請我都唔會再黎~ 食飽飽,打算行東門時發覺,以前哩到係多人到門口都放滿枱嫁...但宜家門口枱又無,有D鋪頭連人都無乜,証明哩條街可能真係無以前咁得LA! 今次搭車返羅湖 只係用左5-10MINS咋...始終覺得哩條線快D...(可能D車密D掛...) 係羅湖 過完關,亦代表今日哩個尋歡之旅正式完結...雖然無乜歡過,但總算見過識丫...
