9月岩岩出糧既日子,遇著BEST FRIEND生日,諗住同佢食餐特別D,點知係OPENRICE千揀萬揀,竟然搵到JORDAN既BAIL RESTAURANT ,未食前覺得幾多人讚實無死,但食完又有被呃的感覺.... 一般經過佢門口其實都唔會入去,因為睇落去好似好舊好黑咁... 入到去裝修亦依然KEEP住D懷舊FEEL...(同當年汪阿姐年紀FEEL),不過都幾好,有好多卡位座, 2邊鋪又整得好BALANCE,所以望過對面好似望住自己個邊咁好得意...而廚房門外亦隔離排滿一排排既CD... 不過佢地SERVICE真係唔得,10問9唔答,而答亦都係敷衍了事...叫極都唔會有人理,有人睬,好似感覺透明人去到一餐廳坐低左,人地都唔見一樣,所以朋友都話哩間野比人話幾得都無用,SERVICE唔得等同趕客... 雖然哩到係差,但真係唔睇得少,19:00早少少黎唔BOOK位都得, 但一過20:00唔BOOK真係未必有位... 佢地個MENU 亦都好懷舊, 初初拎埋黎個時以為係用竹整嫁...但發覺只係個面做得迫真...哈~入面既內容 亦相信咁多年都無變過... 今晚都係ORDER左佢地D招牌菜 - 蜜汁燒雞翼 ~ 好大隻,好重蜜糖味,甜甜地...個汁送飯一流;不過覺得隻雞翼怪怪地,唔止得雞中翼,而係有翼尖少少,雞槌,所以食起上黎好困難,用手又唔係唔用又食唔到... 粟米餅 ~ 賣相唔靚,食落去好軟身,但偏凍,唔係即炸起...入面又話係用蝦膠整,但得勁少蝦膠,味又淡;粟米又勁乾身,唔似人地所講咁好食,不過佢點個個醬,酸酸甜甜,正 黃薑飯 ~ 全晚最好食既一碟,飯炒得岩岩好,不過食唔出有薑味...但佢碟邊D料就真係唔好食,有D仲要好難食添呀...(同朋友講笑下次叫佢走料,只係要飯算...) 珍多冰 ~ 唔似平時泰國既珍多冰,佢地唔止用椰汁,仲有D似焦糖/咖啡漿係底...佢D珍多又係唔一樣,佢地係短身少少,同爽口D.... 珍蜜冰 ~ 同珍多冰差唔多,只係多左D大樹波蘿,同更甜... 本來有叫多半打串燒,但食飽飽都未黎(等左成個鐘有多...),然後問佢地,但竟然話係即叫即燒,但枱枱都黎左有唯獨我地枱無,即係留單,所以CANCEL算... 不過大家都覺得無必要唔會再黎光顧,因無一樣值得再黎...
