行到12點幾見有D餓,就搵左間睇落應該舒服既餐廳食LUNCH...不過間野算幾簡單...全部用木製 ,不過最緊要佢地有FAN 呀... 點左一個菠蘿海鮮炒飯... 初初以為佢會好似HK咁成個菠蘿上嫁...只係將D菠蘿加海鮮炒埋一碟就上LA!雖然真係唔係太好過食...但一餐半餐姐... 食完就行隔離個個JJ MARKET,個到D野其實同翟度翟係差唔多,只係D鋪頭入面有冷氣,所以哩邊行得舒服好多...不過價錢又同翟翟差唔多~而且買個D都係: 泰王既畫/相 ,香芬香精 ,餐具 等... 但特別哩邊連寵物都得買...有狗仔, 有雞仔 ...(講真,真係N年無再見過雞仔LA!),如果可以帶返黎,我諗都可能會買返隻既... 行完哩到就走LU~不過臨走前都係去買多條披肩...因為哩到一條只係買120B (HKD30),HK要買條同款同料唔過HKD100都好難買到...而且老闆 好好人比左好多款出黎任揀,如果唔知邊款好,佢就會自己披住比你睇埋個效果... 出到門口都見到好多街邊檔,不過多數係買飾物多,其實係買D什貨...不過有一檔就買民族鞋 ,睇落都幾平幾靚,不過只限於童裝...但D野會入面更平,同D款色仲要係入面無添呀!所以怕熱又想執平野可以考慮一下係到扮到此一遊... 我地係哩個BOSS 到幫襯佢買左幾對夾,佢就好好人請我地食左左一個微細版布冧 ,好甜好好食...(不過佢地會點D粉粉(似胡辣粉FEEL)一齊食嫁...) 買完野要搭返BTS時,黎到哩間站又順便懷緬一下當年黎MO CHIT既情懷,其實同當年無分別,都係咁多果汁店 (不過依然唔敢買黎試~)...不過間7仔 一定係最難忘,不過睇落好似已經無左D包點買LU~ 差唔多返到HOTEL附近,見仲有時間剩,就決定係周圍行下,但行行下竟然有間NARAYA ...真係估唔到...仲要咁大間喎(2層高 呀!不過只係地下做SELLING,上面做倉...)~不過佢入面既野同其他BRANCH一樣...不過係到都買左一個望左幾日心儀個袋返屋企...YEAH! 係HOTEL放低D野HEA左一陣就出發去友馬做泰式摩摩,但點知突然落勁大雨喎!(其實算好彩...黎咁多日只係得哩日落左幾個鐘雨姐...) 所以只好搭的士 出去... D雨係勁大粒,所以周圍D景 矇查查咩都望唔到呀!!! 架TAXI係PATPONG RD就停低左比我地...初初睇MAP,有馬就係附近,但點知搵左勁耐都搵唔到...最後周圍問人,但無人識答係邊囉...最後有個哥哥仔話唔係係PATPONG RD,而係係後面囉... SHIT~最後去第二間友馬 算LA!(因為勁大雨,個身又開始濕濕地喎...) 入到發覺都幾多人係到做緊腳底摩摩...初初都驚無位,但好彩做THAI MASSAGE就有位姐... 佢地係講左價錢先開始做既... 明碼實價,唔會呃人MA!),不過分店真係貴過總店幾百B嫁... 決定做就要換一件絲質料既睡衣既衫 ,換完之後就正式開始做2個鐘頭既MASSAGE LU~佢地D手勢都幾好,力度岩岩好,真係好舒服嫁....仲要不知不覺訓著埋...(不過今次無流口水~)
