近期LUNCH愛上食粥,但TST既粥鋪黎黎去去都係得3間咁大把... 所以無聊(得閒)之下,決定過去JORDAN 覓粥... 新光粥店係BLOWLING ST附近,而且個邊都有幾多野食,價錢仲要係TST既70~80%到...(真係又多選擇又抵食呀!) 佢地個門表依然係細個食粥個D格局...一邊煮粥,一邊炸油器...裝修亦係一樣,只用油漆塗一塗牆身;掛幾個MENU係牆就開門做生意...(初初以為只係得返中環鐵皮屋先會再遇到...)真係令人有時光倒流既感覺... 因為位於唐樓底,所以仲可以用到掛到一把三葉扇 (樓底唔係掛唔到咁高身嫁...) 佢D粥全部都係買HKD16(小),19(大),無理單拼還是雙拼... 所以最後點左一碗豬紅艇仔粥 & 魚片粥 豬紅艇仔粥 (大) ~ 真係好大碗,佢地係用食麵碗SIZE黎裝粥,食未已經覺得好大碗...不過佢碗粥就無乜米,只係水多...不過料真係好足,食到一半已經飽飽地,但依然仲見到有好多料係到...尤魚數量應該都OVER 15條(雖然係細細條,但對哩碗粥黎講算多)...而碎牛真係碎得驚人,所以食落無乜口質 & 質感; 豬皮都好幾條,可惜唔入味,皮還皮味,粥還粥味...成碗野最差係豬紅,完全唔係豬紅只係雞紅,而且又硬又腥,哩一個豬紅簡直可以影響成碗粥... 魚片粥 (大) ~ 一樣係無米粥,但都有好多魚片,仲係好新鮮既魚片...(聽說)所以下次再有機會,一定要黎試哩個... 鼓油王炒麵 ~ 雖然唔係好大碟,但送粥/淨食都一流,麵炒得岩岩好,唔會過油,不過佢芽菜少左少許,多返D會更好食.. 腸粉 ~ 米漿唔夠濃,但食得返細個去粥店必食腸粉個下FEEL,(食哩個情懷都值~)而且佢地真係自家製腸粉,唔似出面係機製腸粉...鼓油熟生又岩岩好,唔會過咸過甜...PERFECT~ 哩間野雖然唔算好得,但哩到真係可以食返時光飛逝既味道,細個唔覺得珍惜既野,當大個食返先至係最好味,最回味...