玩完"嶺南印象園"就出發去大學城生活區... 初初諗住行過去,(以為好近...)但行左15 MINS見唔對路就問當地D學生,佢話如果真係要行大約行30 ~45 MINS呀!( OH MY GOD...)咁咪打算等巴士/ TAXI囉...但都等左勁耐都未有車,所以唯有折返返廣東理工個到等巴士去生活區 去到都要等左一陣先有車 ,不過等個段時間咪周圍望下間學校囉..,但都係個句,真係睇唔出係大學! 輕鬆唔怕有扒手咁搭巴士都係第一次...不過架車真係少人 既...所以好舒服... 沿中經過廣州工業 大學同廣州美術大學 ,沿途都風景都差唔多,不過最少哩到真係多返D人氣... 到左廣州大學到落車,慢慢感受一下PRC既大學文化同宿舍 ,順便行過去生活區 黎到生活區 先入佢地個FOODCOURT買野食...個到都有多野揀,不過我對SUSHI又無乜興趣,都係食米線算LA! 佢地D米線 係好食過HK個D,因為滑好多,同重米味D,不過料真係無乜,係棵菜最大,其他得少少...個湯更唔好提,因為成碗都係油...不過RMB 5,真係好抵... 佢地D沙冰都幾得下,無論係西瓜沙冰 定芒果沙冰 都好重水果味,唔似出面個D只係溝水,同色料... 食飽飽就過隔離個D鋪頭仔行街街,佢簡直係上下九既縮影一樣,咩都有得買,D野又平,但岩唔岩見人見智!不過對於學生黎講,哩到無疑係唔洗外出都可以行街SHOPPING同食野既好去處...但哩到亦係勁洗錢既地方 行完本想趕時間落返去上下九行街街,但又係等唔到巴士,等到又發覺去唔到,所以最後哩有搭返巴士返大學城南站...不過今次架巴士好多人,好彩都係大部份都係學生,所以搭個時都無咁驚... 去到買朱古力餅餅 時發覺佢地個買餅機其實同HK個D一樣,只係HK出飛,佢地出餅餅... 今次回程唔兜咁遠LA!(因為要趕返去行街街~)所以都係要先去萬勝圍,然後直接過去公園前,再搭返一號線去長壽路就算LU~(今次只需45 MINS就到...所以比之前真係快差唔多20 MINS嫁...) 因時間有限,所以只可以行上九路咋...所以去銀記LA!(唯有下次再黎食佢地既蝦腸!) 黎得哩到除左食,仲要陪表妹買野比佢老公仔...因多牌子係到都有BRANCH,所以買野一流既,但HK差唔多價錢,所以我都鐘意行下九路多D,因為D野同旺中差唔多,但款又一定唔會撞... 行完最後去順記食野就完成哩個旅程LA!今次亦都係叫左芒果雪榚 &椰子雪榚 ...哩到D雪榚真係HAND MADE,不過食咁多次都係覺得佢似雪芭多過似雪榚,但最緊要係佢味濃~所以出面好難食得... 除此之外今次仲叫左2碟腸粉 - 生菜鮮蝦腸 ~ 生菜(可以自己揀菜)新鮮,有菜味;D蝦就唔係好大隻,但勝在新鮮,爽口,但無論料都好都無用,因為全碟最出色都係D腸粉,正宗布拉腸,煙煙韌韌...正! 腩汁珍珠腸 ~ 見佢個名咁特別咪試下,但點知一試就知捉蟲,因為原來一碟好好地既腸粉,上面佈滿甜醬...但D腸粉吸左D腩汁仲好食呀!可惜~可惜~而且佢地珍珠腸只係D素腸整到細細粒姐...所以哩碟感覺上有D搵笨... 食飽飽就搭巴士返屋企,完成哩日既廣州之旅~
