行經陳宅 見到好多人係到將D野搬黎搬去...而且又見一班人係到圍住睇野,咪行埋去睇下囉...點知見到張達明係到拍戲.... 點擊圖片放大 哩場戲係講佢點整估佢外母(朱咪咪)既...不過佢真係做得好入戲,雖然只係企係到睇,但感覺就似真係現實咁...勁~ 佢地場戲都好快拍完就即入返"陳宅",之後就封埋唔比人入去參觀LA! 唔去得咪過隔離囉...原來係一個公堂,但入面黑麻麻... 又人影都唔多個,咪走囉...但走個時發覺原來哩到係有度門通過陳宅嫁... 可惜都係比封左喎...連想睇下入面係點都唔得...但佢地哩到好特別,係無人既地方會放幾張櫈係到...唔知要黎仲咩嫁呢!? 再行前少少就有一間寫住"廣州日報" ,諗住入面係介紹佢地份報紙LA!點知唔係喎...而係講廣州既歷史...佢地有2張MAP,一張係日本為廣州畫既 ,(應該係當年日軍侵華個時畫既複製本)而另一張應該係60~70年代所畫既廣州地貎 ...不過就咁睇當都覺得當年日本畫得靚D同精細D... 哩邊睇完就沿住D仿古建築物行, 去到又發覺哩到又另一個天地... 因為哩到係咩都無,人無,鋪頭無,連D屋入面都係吉既,入面只係D位比人坐下,休息下...所以哩邊真係靜過鬼,不過間唔中聽到D蟬聲... 不過哩到靜可能有靜既好處,因為後面有一個花園,佢地整得好靚,好似係整黎FOR影結婚相用既....有一把用麻草做既傘 同用花花砌出黎既彩虹 ... 行完哩到以為差唔多行完, 就行返去舞獅個邊...但點知哩邊又係另一小天地... 好耐無見過哩個盤LA! 估唔到哩到都有喎...曾經有人教過我玩,但點玩我個掌都唔夠摩擦力可以令到D水彈上黎...唉~ 而且哩到竟然有一間格格不入既理髮店, 雖然D裝修格局都係60~70年代既,但同中式建築有何相同之處!? 所以只可以話哩邊只係將D唔知咩野既野砌砌埋埋就展示出黎比人參觀一樣...不過整體黎講佢每一個地方都整得好細緻同好靚...(無論佢D BUILDING 還是街道 )都保持傳統中式建築風味...(I LIKE IT~) 不過臨走前先去試下佢地所謂既"港式砵仔榚" ,雖然口味真係比HK多好多...(要左菠蘿味 &粟米味 ),但同HK個D真係差好遠囉...佢地D砵仔榚係用木薯粉粉勁,食落去係煙韌既感覺,而且HK個D真係用粘米粉整,所以食落去係軟身得黎有D實在既感覺嫁... 食食下聽到突然好嘈,原來係有人做緊大戲呀!佢地都做得幾真,手勢動作都似模似樣,不過唔知佢地有冇咪咀唱姐... 試食完D所謂"港式"野就去"黑馬大叔" 買手信紀念品LA!佢地話D野全部電話繩同手鏈都係用牛骨整...不過係唔係都好LA!都係 RMB 5 ~15一條...所以送禮自用都唔錯~
